Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448
Maqolalar

Yolg‘on va rost

25.09.2024   8901   2 min.
Yolg‘on va rost

Bismillahir Rohmanir Rohiym

Haqiqat bilan rostning orasi to‘rt enlik, deyishadi. Quloq bilan ko‘z orasi shuncha ekan. Demak, ko‘z bilan ko‘rmaguncha quloq bilan eshitgan gapga ishonavermaslik va u gapning haqiqatini aniqlamasdan turib birovga aytmaslik kerak.

Shariatimiz ko‘rsatmalarida yolg‘onchilikka mutlaqo yo‘l qo‘yilmaydi. Yolg‘on oxiri do‘zaxga yetaklaydi.

Abdulloh ibn Mas’ud roziyallohu anhudan rivoyat qilinadi. Rasululloh sollallohu alayhi vasallam: “Rost gapiringlar, chunki rostgo‘ylik ezgulikka yetaklaydi. Ezgulik esa jannatga yetaklaydi. Kishi rost gapiraversa, u Alloh taolo huzurida rostgo‘y deb yozib qo‘yiladi. Yolg‘on gapirishdan o‘zlaringizni saqlang, chunki yolg‘on gapirish buzuqlikka yetaklaydi. Buzuqlik esa do‘zaxga yetaklaydi. Kishi yolg‘on gapiraversa, oxiri Allohning huzurida yolg‘onchi deb yozib qo‘yiladi”, deganlar (Imom Buxoriy rivoyati).

Shayx Kirmoniy hazratlari aytadilarki: “Yolg‘on gapirmagan, omonatga xiyonat, bo‘hton, tuhmat va g‘iybat qilmagan kishi kelajagidan qo‘rqmasin. Shu gunohlarni qilmagan kishi vaqti kelib, boshqa gunohlarni ham tark etadi”.

Yolg‘onchilik o‘g‘riliqdir. O‘g‘ri molingizni o‘g‘irlasa, yolg‘onchi aklingizni o‘g‘irlaydi. Ba’zilar foyda ko‘rish yo zararni daf’ qilish uchun yolg‘on so‘zlaydi. Yolg‘on so‘zlab, foyda ko‘rmoqchi yo balodan qutulmoqchi bo‘ladi. Rasululloh sollallohu alayhi vasallam bunday deganlar: “Rost so‘zda xatar ko‘rsangiz ham, rost so‘zlang! Najot rost so‘zdadir. Yolg‘on so‘zda najot ko‘rsangiz ham, yolg‘on gapirmang! Xatar yolg‘on so‘zdadir”.

Abu Umoma Bohiliy roziyallohu anhudan rivoyat qilinadi. Rasululloh sollallohu alayhi vasallam: “Haq bo‘la turib janjalni tark etgan kishiga jannat yonidagi bir uyga kafilman. Hazildan bo‘lsa ham, yolg‘onni tark etgan kishiga jannat o‘rtasidagi bir uyga kafilman. Chiroyli xulqli kishiga jannatning eng yuqorisidagi bir uyga kafilman”, dedilar (Imom Abu Dovud rivoyati)

Shahobiddin PARPIYEV,

Asaka tumanidagi “Muhammadsolih” jome masjidi imom-xatibi.

Maqolalar
Boshqa maqolalar
Yangiliklar

Ummon Sultonligida nufuzli xalqaro forum boshlandi

16.11.2026   1327   2 min.
Ummon Sultonligida nufuzli xalqaro forum boshlandi

Shu kunlarda Ummon Sultonligining Masqat shahridagi "Hilton Muscat Al Bandar" majmuasida "Masqat harakatlar rejasi global forumi" (Muscat Plan Global Forum) bo‘lib o‘tmoqda. Joriy yilning 15-16 noyabr kunlariga mo‘ljallangan ushbu nufuzli anjumanda O‘zbekiston musulmonlari idorasi raisining birinchi o‘rinbosari Homidjon domla Ishmatbekov ham ishtirok etmoqda.

Mazkur xalqaro forum Birlashgan Millatlar Tashkilotining Genotsidning oldini olish va himoya qilish mas’uliyati bo‘yicha boshqarmasi (UNOSAPG), Ummon Sultonligi Vaqf va diniy ishlar hamda Tashqi ishlar vazirliklari, shuningdek, "Din va an’anaviy tinchlikparvarlar tarmog‘i" (The Network for Religious and Traditional Peacemakers) hamkorligida tashkil etilgan.

Tadbirning asosiy maqsadi kamsitish va zo‘ravonlikning oldini olish, shuningdek, o‘zaro muloqot, bag‘rikenglik va tinch-totuvlikni keng targ‘ib qilishda amaliy yondashuvlarni ishlab chiqishdan iborat.

E’tiborlisi, forumning asosiy tadbirlari Birlashgan Millatlar Tashkilotining Xalqaro bag‘rikenglik kuniga (16 noyabr) to‘g‘ri kelgan bo‘lib, bu o‘zaro hurmat va tinch-totuv yashash qadriyatlarini mustahkamlash uchun muhim platforma vazifasini o‘taydi.

Xalqaro tadbirda dunyoning turli davlatlaridan kelgan taniqli ulamolar, diniy va an’anaviy yetakchilar, hukumat vakillari, BMT va boshqa yirik xalqaro tashkilotlar mutasaddilari jam bo‘lgan. Forum dasturi doirasida muhim sessiyalar bo‘lib o‘tmoqda. Jumladan, tinchlik va xavfsizlikni ta’minlashda xalqaro hamkorlik mexanizmlari, nafratli nutqlarga qarshi kurashish hamda bag‘rikenglikni ilgari surishda diniy yetakchilar va ommaviy axborot vositalarining o‘rni kabi mavzularda yuqori darajadagi muhokamalar olib borilmoqda.

O‘zbekiston vakillarining bunday nufuzli xalqaro anjumanlardagi ishtiroki yurtimizda olib borilayotgan diniy-ma’rifiy sohadagi islohotlar, dinlararo bag‘rikenglik va tinchliksevarlik tamoyillarini jahon hamjamiyatiga yetkazishda muhim ahamiyat kasb etadi. 

O‘zbekiston musulmonlari idorasi

Matbuot xizmati

Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi Ummon Sultonligida nufuzli xalqaro forum boshlandi
O'zbekiston yangiliklari