Сайт тест ҳолатида ишламоқда!
17 Ноябр, 2026   |   7 Жумадул сони, 1448

Тошкент шаҳри
Бомдод
05:51
Қуёш
07:08
Пешин
12:13
Аср
15:21
Шом
17:05
Хуфтон
18:21
Bismillah
17 Ноябр, 2026, 7 Жумадул сони, 1448
Мақолалар

Ҳадя

05.11.2024   12280   1 min.
Ҳадя

Бир қизалоқ тақинчоқ дўконига кириб сотувчига қараб чиройли зирак кўрсатишини сўради. Сотувчи қизалоққа ҳайратланганча қараб тураверди. Шунда қизалоқ бир зиракни кўрсатиб: “Мана буни чиройли қилиб ўраб бероласизми?!”, деди. Сотувчи: “Пулинг борми?” деб сўради. 
Қизалоқ чўнтагидаги бир нечта тангани чиқариб,:“Бор пулим шу, етадими?” деб сўради. Сўнгра у: “Биласизми, мен опамга шу зиракни совға қилмоқчиман. Чунки у онамиз оламдан ўтганидан кейин бизга ғамхўрлик қилиб келмоқда. Мен опамни хурсанд қилишни жуда хоҳлардим. Менда бори шу”, деди пулга ишора қилиб. 
Бир неча сониядан сўнг сотувчи зиракни чиройли қутига солиб, қизчанинг қўлига берди. У хурсанд бўлганича уйига шошиб кетди. 
Бир фурсатдан сўнг дўконга бир ўрта ёшли қиз кириб, дўкончига ўша қизалоқ олган зиракни кўрсатиб: “Буни сиздан олганмиди?” деб сўради. Сотувчи тақинчоқга қараб: “Ҳа” деб жавоб берди. Қиз тақинчоқни нархи қанчалигини сўради. Сотувчи: “Бу харидор ва менинг келишувим” деб жавоб қилди. У: “Синглимда бир неча танга бор эди. Бу эса жудаям қимматлигини биламан. Бунга пулимиз етмайди” деб зиракни қайтариб бермоқчи бўлди.
Шунда сотувчи: “Синглингиз бор будини берди. Бу нархни ҳеч ким бера олмайди”, дея тақинчоқни қизга қайтариб берди.
 
Акбаршоҳ Расулов таржимаси

Ҳадя
Ибратли ҳикоялар
Бошқа мақолалар
Янгиликлар

1–30 ноябрь — «Кибермаданиятни юксалтириш ойлиги

02.11.2026   60077   1 min.

Жорий йилнинг 1–30 ноябрь кунлари республика бўйлаб ўтказиладиган «Кибермаданиятни юксалтириш ойлиги»ни юқори савияда ташкил этиш, белгиланган вазифалар ижросини таъминлаш ҳамда аҳоли ўртасида кибермаданиятни юксалтириш мақсадида ҳамкор вазирлик ва идоралар, ҳокимликлар, банклар ҳамда агентликлар вакиллари иштирокида семинар ўтказилди.
Семинарда ойлик доирасида амалга ошириладиган тарғибот-ташвиқот тадбирларининг асосий йўналишлари, аҳоли ўртасида кибергигиена кўникмаларини шакллантириш, интернет тармоғидаги мавжуд таҳдидлардан огоҳликни ошириш ҳамда кибержиноятларнинг олдини олишга қаратилган чора-тадбирларни самарали ташкил этиш масалалари муҳокама қилинди.
Шунингдек, республика бўйлаб кенг қамровли тарғибот тадбирларини ўтказиш, аҳолининг турли қатламларини қамраб олиш, оммавий ахборот воситалари ва ижтимоий тармоқлар орқали профилактик материалларни кенг ёритиш ҳамда ҳамкор идоралар ўртасидаги ҳамкорликни янада кучайтиришга алоҳида эътибор қаратилди.

Тадбир якунида «Кибермаданиятни юксалтириш ойлиги»ни юқори савияда ўтказиш, белгиланган вазифаларни ўз вақтида ва сифатли бажариш ҳамда амалга ошириладиган ишлар самарадорлигини таъминлаш юзасидан масъул идора ва ташкилотларнинг вазифалари белгилаб олинди.

Мазкур ойлик аҳолининг киберхавфсизлик борасидаги билимларини ошириш, кибергигиена кўникмаларини мустаҳкамлаш ва кибержиноятларнинг олдини олишда муҳим аҳамият касб этади.

https://t.me/cyberpolice_iiv

Ўзбекистон янгиликлари