Sayt test holatida ishlamoqda!
17 Noyabr, 2026   |   7 Jumadul soni, 1448

Toshkent shahri
Tong
05:51
Quyosh
07:08
Peshin
12:13
Asr
15:21
Shom
17:05
Xufton
18:21
Bismillah
17 Noyabr, 2026, 7 Jumadul soni, 1448
Maqolalar

Hadya

05.11.2024   12281   1 min.
Hadya

Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi. 
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib. 
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi. 
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
 
Akbarshoh Rasulov tarjimasi

Hadya
Ibratli hikoyalar
Boshqa maqolalar
Yangiliklar

Qohirada ilm va tajriba oshirish sari yangi qadam

02.11.2026   57672   1 min.
Qohirada ilm va tajriba oshirish sari yangi qadam

Urganch tumanidagi «Jon Xorosh bobo» jome masjidi imom-xatibi Hikmatullo domla Yusupovning Misr Arab Respublikasi poytaxti Qohira shahridagi malaka oshirish mashg‘ulotlari boshlandi.

Mashg‘ulotlarning ilk kuni ustozlar bilan tanishuv, o‘zaro muloqot va fikr almashish ruhida o‘tdi. Bu esa xorijiy tajribani o‘rganish, diniy-ma’rifiy bilimlarni yanada boyitish hamda kasbiy salohiyatni yuksaltirish yo‘lidagi muhim qadamdir.

Zero, ilm yo‘lidagi har bir safar insonning dunyoqarashini kengaytiradi, tajribasini boyitadi va faoliyatiga yangi ruh bag‘ishlaydi.

Hikmatullo domlaga ushbu xayrli safar davomida muvaffaqiyat, ustozlar sabog‘idan unumli bahramand bo‘lish, yangi bilim va boy tajribalarni egallab, yurtimizga munosib natijalar bilan qaytishlarini tilaymiz!

O‘zbekiston musulmonlari idorasi Xorazm viloyati vakilligi Matbuot xizmati

O'zbekiston yangiliklari