Ҳамжиҳатликка чорловчи эзгу амаллар
Юртимизнинг барча ҳудудларида миллатлараро ва динлараро дўстлик, аҳиллик, бирдамликни мустаҳкамлашга қаратилган турли тадбирларни ўзида жамлаган "Бағрикенглик ҳафталиги" доирасида Тошкент фотосуратлар уйида "Ўзбекистон – бағрикенг диёр" номли фотокўргазма ўтказилди.
Тадбирда Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси ҳамда Ўзбекистон Республикаси Дин ишлари бўйича қўмитаси раҳбарияти ва ходимлари, миллий маданий марказлар ва дўстлик жамиятлари фаоллари, диний конфессия вакиллари, ОАВ воситалари ходимлари иштирок этди.
Кўргазмада миллий маданий марказлар, дўстлик жамиятлари билан ҳамкорликда ўтказилган тадбирлар, юртимизда истиқомат қилаётган турли миллат ва дин вакилларининг турмуш тарзи, маданияти, урф-одатлари акс эттирилган 100 дан ортиқ асарлар намойиш этилди.
Таъкидлаш керакки, ҳозирги кунда юртимизда 130 дан ортиқ миллат ва элат, 16 та диний конфессия вакиллари бағрикенглик, дўстлик ва ҳамжиҳатлик тамойиллари асосида яшаб келмоқда. Бағрикенглик ҳафталиги доирасидаги бундай тадбирлар эса, дунё аҳлини тотувлик ва ҳамжиҳатликка чорловчи эзгу амаллар сирасидандир.
Ўзбекистон мусулмонлари идораси
Матбуот хизмати
Сирдарё имом-хатиблари иштирокида таҳлилий йиғилиш ўтказилди
Ўзбекистон мусулмонлари идорасининг Сирдарё вилояти вакиллигида имом-хатиблар иштирокида таҳлилий йиғилиш бўлиб ўтди.
Вилоят ҳокимининг ўринбосари Фароҳиддин Раҳимов ҳамда вилоят бош имом-хатиби Ҳабибуллоҳ домла Зокиров раҳбарлигида ўтган тадбирда 2026 йилнинг биринчи ярим йиллигидаги диний-маърифий ва ташкилий ишлар сарҳисоб қилиниб, эришилган натижалар атрофлича таҳлил этилди.
Йиғилишда жамиятда соғлом маънавий муҳитни мустаҳкамлаш, диний соҳадаги қонунчилик талабларига қатъий риоя этиш, ёшлар ўртасида маърифий тарғибот ишларини кучайтириш ҳамда мавжуд камчиликларни бартараф этиш юзасидан келгуси олти ойлик устувор вазифалар белгилаб олинди.
Ўзбекистон мусулмонлари идораси
Матбуот хизмати
