Мамлакатимизда соғлом турмуш тарзини тарғиб этиш, жисмоний тарбия ва спортни оммалаштиришга қаратилган ишлар доирасида Бухоро вилоятида имом-хатиб ва имом ноиблар ўртасида стол тенниси спорт тури бўйича вилоят босқичи мусобақаси бўлиб ўтди.
Мусобақа давомида иштирокчилар чаққонлик, эпчиллик ва спорт маҳоратини намоён этиб, соғлом рақобат муҳитини яратдилар. Тадбир диний соҳа ходимлари ўртасида жисмоний фаолликни ошириш, соғлом турмуш тарзини қарор топтириш ҳамда ўзаро дўстона муносабатларни мустаҳкамлашга хизмат қилди.
Бухоро вилоятида имом-хатиб ва имом ноиблар ўртасида ўтказилган стол тенниси мусобақасида иштирокчилар юқори спорт маҳорати, чаққонлик ва сабр-тоқатни намоён этдилар.
Мусобақа якунига кўра қуйидаги иштирокчилар ғолиб ва совриндор бўлдилар:
1-ўрин — Бобоқулов Садам, Пешку тумани “Хўжа Пешкў” масжиди имом-ноиби
2-ўрин — Нажмиддинов Асатилло, Бухоро шаҳри “Умар ибн Хаттоб” масжиди имом-хатиби
3-ўрин — Бозоров Ваҳобиддин, Пешку тумани “Чиқирчи” масжиди имом-хатиби
Ғолиб ва совриндорлар ташкилотчилар томонидан эсдалик совғалари билан тақдирланди.
Ўзбекистон мусулмонлари идораси
Бухоро вилояти вакиллиги
Матбуот хизмати
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан диний соҳа вакиллари ўртасида соғлом турмуш тарзини тарғиб этиш, жисмоний фаолликни ошириш ва ўзаро дўстона муносабатларни мустаҳкамлаш мақсадида спорт мусобақалари изчил равишда ташкил этилмоқда.
Шу доирада Қашқадарё вилоятида волейбол, стол тенниси, шахмат ва шашка бўйича мусобақаларнинг финал босқичи ўтказилиб, шаҳар ва туманлардан сараланган ғолиблар фаол иштирок этдилар. Қизғин баҳслар якунланиб, ҳар бир спорт тури бўйича ғолиб ва совриндорлар аниқланди.
Тадбир якунида иштирокчилар диплом ва эсдалик совғалари билан тақдирланиб, кейинги босқич мусобақаларида қатнашиш ҳуқуқини қўлга киритдилар.
Мусобақада ЎМИ Қашқадарё вилояти вакили, вилоят бош имом-хатиби Раҳматилло домла Усмонов ҳамда Қашқадарё вилояти ҳокимининг ўринбосари Фарҳод Кушаков иштирок этиб, қатнашчиларга эзгу тилаклар билдирди ва республика босқичида омад тилади.
Тадбирни юқори савияда ташкил этишда яқиндан кўмаклашган Қашқадарё вилояти ҳокимлиги ва вилоят спорт бошқармаси раҳбарияти ҳамда ходимларига миннатдорчилик билдирамиз.
Қашқадарё вилояти вакиллиги
Матбуот хизмати