2026 йил 26 январь куни Бухоро вилоятида соғлом турмуш тарзини тарғиб этиш, жисмоний тарбия ва спортни оммалаштириш, шунингдек, диний соҳа ходимлари ўртасида жамоавий ҳамжиҳатлик ва соғлом рақобат муҳитини мустаҳкамлаш мақсадида имом-хатиб ва имом-ноиблар ўртасида шахмат, шашка, стол тенниси ҳамда волейбол бўйича вилоят босқичи мусобақалари ташкил этилди.

Тадбир белгиланган режа ва спорт қоидалари асосида ўтказилиб, вилоятнинг туман ва шаҳар масжидларида фаолият юритаётган имом-хатиб ва имом-ноиблар фаол иштирок этдилар.

Ғолиблар:

Шахмат:
1-ўрин — Одилов Ҳайдаржон (Кўгон т., “Хўжа Каъбул Ахбор Вали”)
2-ўрин — Исоев Мустақим (Шофиркон т., “Қори Фазлиддин”)
3-ўрин — Исмоилов Исмат (Қоракўл т., “Қобулота”)

Шашка:
1-ўрин — Раҳмонов Бобожон (Вобкент т., “Мири Хурд Вобкандий”)
2-ўрин — Авезов Абдуллоҳ (Қоракўл т., “Бозорхўжа”)
3-ўрин — Нажмиддинов Ғайрат (Ромитан т., “Маҳаллаи-боло”)

Стол тенниси:
1-ўрин — Бобоқулов Садам (Пешку т., “Хўжа Пешкў”)
2-ўрин — Нажмиддинов Асатилло (Бухоро ш., “Умар ибн Хаттоб”)
3-ўрин — Бозоров Ваҳобиддин (Пешку т., “Чиқирчи”)

Волейбол:
1-ўрин — “Баҳовуддин Нақшбанд” жамоаси
2-ўрин — “Нажмиддин Кубро” жамоаси
3-ўрин — “Жалолиддин Мангуберди” жамоаси

Мусобақалар диний соҳа ходимлари ўртасида соғлом турмуш тарзини қарор топтириш, спортга қизиқишни ошириш ҳамда ўзаро дўстлик ва ҳамжиҳатликни мустаҳкамлашда муҳим аҳамият касб этди. Ғолиб ва совриндорлар диплом ҳамда эсдалик совғалари билан тақдирланди.

Тадбирни ташкил этишда Мир Араб олий мадрасаси ҳамда вилоят спорт федерацияси яқиндан амалий ёрдам кўрсатди.

Ўзбекистон мусулмонлари идораси

Матбуот хизмати