Сайт тест ҳолатида ишламоқда!
11 Март, 2026   |   22 Рамазон, 1447

Тошкент шаҳри
Бомдод
05:24
Қуёш
06:42
Пешин
12:38
Аср
16:39
Шом
18:29
Хуфтон
19:41
Bismillah
11 Март, 2026, 22 Рамазон, 1447
Янгиликлар

Пойтахтда “ақлли” светофорлар даври бошланмоқда

27.02.2026   6149   1 min.
Пойтахтда “ақлли” светофорлар даври бошланмоқда

Яқин кунларда Тошкент шаҳрда тирбандлик ва экология муаммоларини ҳал этиш мақсадида “ақлли” светофорлар ўрнатиш, йўлларга халқаро стандартларга мос чизиқлар тортиш ҳамда замонавий автотураргоҳларни ташкил этиш бўйича кенг кўламли ишлар бошланади.

Бу ҳақда Ўзбекистон Президенти Администрацияси раҳбари Саида Мирзиёева маълум қилди.

Унга кўра, Президентимизнинг транспорт тизимини модернизация қилишга оид қарори ижросини таъминлаш мақсадида махсус ташкил этилган Йўл ҳаракатини ташкил этиш маркази томонидан тегишли тақдимот ўтказилди. Ушбу марказ нафақат йўл ҳаракати, балки жамоат транспорти назорати ва экологик ҳолатни яхшилаш билан ҳам шуғулланади.

"Умид қиламанки, шаҳар ҳокими бошчилигидаги жамоа қарорнинг ижросини тўлақонли таъминлашга бор куч ва имкониятини қаратади. Мен бунинг бажарилишини шахсан назорат қилиб бораман", — деб таъкидлади С.Мирзиёева.
Пойтахт инфратузилмаси учун ўта муҳим бўлган ушбу лойиҳа Тошкентдаги йўл ҳаракати маданиятини янги босқичга олиб чиқиши кутилмоқда.

 

Пойтахтда “ақлли” светофорлар даври бошланмоқда Пойтахтда “ақлли” светофорлар даври бошланмоқда
Ўзбекистон янгиликлари
Бошқа мақолалар
Янгиликлар

Диний идорада навбатдаги фуқаролар қабули ўтказилди

11.03.2026   4305   1 min.
Диний идорада навбатдаги фуқаролар қабули ўтказилди

Ўзбекистон мусулмонлари идорасида фуқароларнинг мурожаатлари тингланиб, уларнинг муаммоларига амалий ечимлар берилмоқда.

 

Жумладан, бугун, 11 март куни Диний идора раиси ўринбосари Зайниддин домла Эшонқулов навбатдаги қабулни ўтказиб, таълим, оилавий масалалар ва моддий ёрдам сўраб келган фуқаролар билан самимий суҳбатлашди.

 

Мурожаатчиларнинг оилавий муносабатларда келганларига муаммолар ечими бўйича маслаҳатлар, шаръий масалалар ечими юзасидан тавсиялар ва моддий ёрдам сўраганларга белгиланган тартибда кўмак берилди.


Бу эзгу анъана нафақат марказий идорада, балки юртимиздаги барча жоме масжидларда ҳам ҳар чоршанба куни имом-хатиблар томонидан мунтазам давом эттирилмоқда. Зеро, инсонлар оғирини енгил қилиш – асосий мақсадимиз. 
 

Ўзбекистон мусулмонлари идораси
Матбуот хизмати

Диний идорада навбатдаги фуқаролар қабули ўтказилди Диний идорада навбатдаги фуқаролар қабули ўтказилди Диний идорада навбатдаги фуқаролар қабули ўтказилди Диний идорада навбатдаги фуқаролар қабули ўтказилди Диний идорада навбатдаги фуқаролар қабули ўтказилди
Ўзбекистон янгиликлари