Аллоҳ таоло барчамизни жаннат аҳлидан қилсин
1. Жаннатда ёшимиз 30 ёки 33 ёш бўлади (Исо алайҳиссалом ёши каби) ва биз қаримаймиз.
2. Жаннатдаги бўйимиз 60 зироъ бўлади (Одам алайҳиссалом бўйи каби. Бир зироъ тахминан 64 см).
3. Ҳар жума куни қиёфамиз янада гўзаллашиб боради ва бу гўзаллик чексиз равишда ортиб боради.
4. Жаннат аҳли Аллоҳнинг розилигига эришади ва Унинг жамолини кўриш бахтига муяссар бўлади. Бу – жаннатнинг энг улуғ неъматларидан биридир!
5. Жаннат аҳлининг жисмоний сифатларидан: улар “жарад” (яъни, юз ва таналарида ортиқча соч бўлмайди), кўзлари эса сурма суртилгандек гўзал бўлади.
6. Жаннат аҳли саройларда тахтларда ёнбошлаб ўтиради, остида дарёлар оқиб туради. Жаннатда Фирдавсдан бошланувчи кўплаб дарё ва булоқлар мавжуд.
7. Жаннатда инсон истаган барча нарсалар – егулик, ичимлик, ҳайвонлар, турли қушлар бор. Мўмин киши хоҳлаганича лаззат олади.
8. Аёллар эса ёқут ва маржон каби, гўёки яширин дурлардек гўзал бўлади. Уларга абадий ёшлик ва ҳеч қачон кўрилмаган гўзаллик берилади. Бошларида тожлар, кийимлари ипакдан бўлади.
9. Жаннатнинг бинолари олтин ва кумушдан, тупроғи эса мушк ва заъфарондан, тошлари эса дур ва ёқутдан бўлади.
Аллоҳ барчамизни жаннат аҳлидан қилсин
Ҳомиджон қори ИШМАТБЕКОВ
Халқаро форум: Исломий молия ва сукук бозорлари диққат марказида
Бугун, 16 июнь куни пойтахтимизда старт олган «Инвестициялар барқарорлиги: янги уфқлар, янги ҳамкорликлар» мавзусидаги Бешинчи Тошкент халқаро инвестиция форуми доирасида «Тошкент» залида муҳим панель сессияси бўлиб ўтди.
«Исломий молия ва сукук бозорлари: Кўрфаз капиталини ривожланаётган иқтисодиётларга йўналтириш» мавзусига бағишланган ушбу сессияда халқаро ва маҳаллий экспертлар, молиявий ташкилотлар ва давлат сектори вакиллари иштирок этди.
Бугунги кунда жаҳон исломий молия бозорининг ҳажми 3 триллион АҚШ долларидан ошиб улгурди. Сессия давомида исломий молиянинг асосий воситалари ҳисобланган сукук (исломий облигациялар), такафул (исломий суғурта) ва шариат тамойилларига мувофиқ бўлган бошқа молиявий тузилмалар ривожланаётган бозорлар, хусусан, Ўзбекистон иқтисодиёти ва инфратузилма лойиҳаларига суверен капитални жалб қилишда қандай рол ўйнаши мумкинлиги атрофлича таҳлил қилинди.
Ислом тараққиёт банкининг Ўзбекистондаги вакили Хусан Хасанов модераторлик қилган давра суҳбатида янги молиявий маҳсулотлар дизайнини яратиш, миллий қонунчилик ва тартибга солиш тизимини халқаро шариат стандартлари билан уйғунлаштириш ҳамда янги эмиссияларга институционал инвесторларнинг талабини шакллантириш масалалари муҳокама қилинди.
Панель сессиясида соҳанинг нуфузли маърузачилари, жумладан, Ўзбекистон Республикаси Марказий банки раиси ўринбосари Санжар Носиров, "AD Wealth" бошқарувчи шериги Алишер Жуманов, "IMAN" бош ижрочи директори Рустам Рахматов, Руминиянинг собиқ ташқи ишлар вазири Рамона Мэнеску ҳамда Ўзбекистон иқтисодий ривожланиш жамғармаси вице-президенти Саломе Сванадзе ўз маърузалари билан иштирок этишди.
Экспертларнинг фирича, Ўзбекистонда исломий молия экотизимининг ривожланиши Кўрфаз мамлакатларидан йирик инвестиция оқимларини жалб қилиш ва мамлакатда тадбиркорлик соҳасини молиялаштиришнинг муқобил манбаларини яратишда янги уфқларни очиб беради.
Форум доирасидаги муҳокамалар ва шўъба мажлислари давом этмоқда.
Ўзбекистон мусулмонлари идораси
Матбуот хизмати
