21 Июл, 2026, 7 Сафар, 1448
21 Июл, 2026, 7 Сафар, 1448
Икки Муқаддас Ҳарам масжидлари раҳбарияти идорасининг маълум қилишича, янги ҳижрий сана бошланиши муносабати “Каъбапўш – Кисва” шанба куни янгисига алмаштирилади. Мазкур йиллик тадбирда Икки Муқаддас Ҳарам масжидлари идораси раҳбари, шайх Абдурроҳмон Ас-Судайс бошчилигидаги 166 нафар техник ходимлар ва ҳунарманд иштирок этди.
Ас-Судайс Саудия Арабистони раҳбариятининг Каъбани асраб-авайлашга катта эътибор қаратаётганини таъкидлади.
Подшоҳ Абдулазиз номидаги “Каъбапўш – Кисва” мажмуасида турли бўлимларда, жумладан, бўяш ва автоматик тўқиш, қўлда тўқиш, босмалаш, тикиш ва йиғиш бўлимлари ҳамда Каъба камари ва олтин бўлимида 200 га яқин ҳунарманд ва маъмурлар меҳнат қилди.
Тикув устахонасида узунлиги 16 метр бўлган, комьпютер тизими билан ишлайдиган дунёдаги энг узун тикув машинаси жойлашган.
“Каъбапўш – Кисва” тайёрланиш жараёнида қора рангга бўялган 670 кг хом ипак, 120 кг олтин сим ва 100 кг кумуш симдан фойдаланилди.
ЎМИ Халқаро алоқалар бўлими
Муҳтарам Юртбошимиз ташаббуси билан юртимиз бўйлаб эълон қилинган «Маҳалла ободлиги ва меҳр-саховат ойлиги» доирасида Самарқанд вилоятида эзгу ишларга кенг йўл очилди.
Шу муносабат билан Самарқанд вилояти ҳокимлиги ҳамда Самарқанд вилояти вакиллиги ҳамкорлигида Қўшработ туманида кенг қамровли меҳр-саховат тадбири ташкил қилинди.
Тадбирда Самарқанд вилояти ҳокимининг ўринбосари Б. Каримов, Қўшработ тумани ҳокими Д. Шакарбоев, Самарқанд вилояти бош имом-хатиби ўринбосарлари Хайрулло домла Саттаров ва Нурсултонхон домла Абдуманнонов, шаҳар ва туман бош имом-хатиблари, шунингдек, 2026 йилги улуғ Ҳаж зиёратини адо этиб қайтган ҳожи оталар иштирок этдилар.
Тадбир доирасида туманнинг 16 та маҳалласида истиқомат қилувчи 250 дан зиёд эҳтиёжманд хонадонларга ташаббускор ҳожилар ҳомийлигида мактаб формалари ва озиқ-овқат маҳсулотлари етказиб берилди. Бу эзгу ташаббус халқимизга хос меҳр-оқибат, саховат ва ҳамжиҳатлик каби юксак қадриятларни янада мустаҳкамлашга хизмат қилмоқда.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 