Сайт тест ҳолатида ишламоқда!
30 Январ, 2026   |   11 Шаъбон, 1447
search icon
Aввалги сайт
O`Z РУ EN AR

Тошкент шаҳри
Бомдод
06:15
Қуёш
07:37
Пешин
12:41
Аср
15:55
Шом
17:41
Хуфтон
18:55
Bismillah
30 Январ, 2026, 11 Шаъбон, 1447
Aввалги сайт
#search
 YouTube

Қурбон ҳайити куни бажариладиган 13 амал

04.07.2022   3015   2 min.
Қурбон ҳайити куни бажариладиган 13 амал
  1. Арафа куни кечаси, яъни, ҳайит кунига ўтар кечасини бедор ўтказиш.

Ҳайит кунига ўтар кечани Қуръон тиловати, зикр, тасбиҳ ва нафл намозлар билан ўтказиш улкан савобларга сабаб бўлади. Расулуллоҳ соллалоҳу алайҳи васаллам: "Ким икки ийд кечаларини Аллоҳдан савоб умидида қоим қилса, қалблар ўладиган кунда унинг қалби ўлмас", деганлар (Ибн Можа, Табароний ривояти).

  1. Ғусл қилиш. "Расулуллоҳ соллаллоҳу алайҳи васаллам Фитр, Азҳо ва Арафа кунлари ғусл қилар эдилар" (Ибн Можа ривояти).
  2. Энг яхши, янги ёки тоза кийимларни кийиш.
  3. Хушбўйланиш.
  4. Қурбон ҳайити намозига чиқишдан олдин ҳеч нарса емаслик. "Расулуллоҳ соллаллоҳу алайҳи васаллам Рамазон ҳайитида таомланмасдан чиқмасдилар, қурбонлик кунида эса намоз ўқигунларича таомланмасдилар" (Имом Термизий ривояти(.

Эслатма! Баъзилар қурбон ҳайитида ҳеч нарса емай намозга чиқишни нотўғри тушуниб, куннинг аввалги ярмига қадар рўзани ният қилиш керак, дейишади. Шу билан бирга, ўша куни саҳарликка туришади ва оғизларини ният билан беркитиб намозга чиқишади. Ҳайит намози ўқиб бўлингач эса, худди ифторликдаги каби оғизларини очишади. Бундай қилиш нотўғри. Ҳайит кунларида рўзани ният қилиш ҳаром амал саналади. Қолаверса, ярим кунга рўза ният қилинмайди.

  1. Масжидга имкон бўлса пиёда ва эртароқ бориш. "Расулуллоҳ соллаллоҳу алайҳи васаллам икки ҳайит намозига пиёда юриб чиқардилар" (Ибн Можа ривояти).
  2. Йўлда таҳлил (Лаа илаҳа иллаллоҳ), такбир (Аллоҳу акбар) ва таҳмид (Алҳамдулиллаҳ) айтиш. "Аллоҳу акбар, Аллоҳу акбар, Лаа илааҳа иллаллоҳу Аллоҳу акбар, Аллоҳу акбар ва лиллааҳил ҳамд".
  3. Ҳайит намозидан олдин бошқа бирор нафл намоз ўқимаслик. Масжидга боргандан сўнг таҳийятул масжид ёки бошқа бирор нафл намоз ўқимасдан зикр қилиб ўтириш лозим.
  4. Намозга бир кўчадан бориб, бошқасидан қайтиш. Набий соллаллоҳу алайҳи васаллам шундай қилар эдилар.
  5. Ҳайит билан муборакбод этиш. Саҳобалар: "Тақоббал Аллоҳ минна ва минкум (Аллоҳ биздан ҳам, сиздан ҳам қабул этсин)", деб бир-бирларини байрам билан табриклашарди.
  6. Аҳли аёл ва ёш болаларни хурсанд қилиш. Оилада байрам кайфиятини пайдо қилиш, совға-ҳадялар улашиш керак.

12 .Қавм-қариндош, ёш улуғларни зиёрат қилиш.

  1. Таниш-билиш, ёру дўст, қўни-қўшниларни байрам билан табриклаш.

Қурбон ҳайитингиз муборак бўлсин!

 

Даврон НУРМУҲАММАД

Мақолалар
Бошқа мақолалар
Янгиликлар

Профессор Убайдулла Уватов хотирасига бағишланган конференция ўтказилади

30.01.2026   510   2 min.
Профессор Убайдулла Уватов хотирасига бағишланган конференция ўтказилади

Имом Термизий халқаро илмий-тадқиқот марказида забардаст олим, филология фанлари доктори, профессор Убайдулла Уватов хотирасига бағишланган “Манбашунослик мактаби: тарих ва замонавий ёндашувлар” мавзусидаги I республика илмий конференцияси ташкил этилади.

2026 йил 26 февраль куни бўлиб ўтадиган нуфузли тадбирда юртимизнинг таниқли уламолари, етук соҳа олимлари, мамлакатимиздаги етакчи олий таълим муассасалари ҳамда илмий-тадқиқот марказлари вакиллари иштирок этиши кутилмоқда.

Конференцияда қуйидаги мавзулар муҳокама қилинади:

  • - Убайдулла Уватовнинг манбашунослик соҳасидаги илмий мероси ва унинг аҳамияти;
  • - Манбашунослик мактабининг шаклланиши, ривожланиш босқичлари ва тарихий тажрибаси;
  • - Ўзбекистон тарихини ўрганишда ёзма, моддий ва оғзаки манбаларнинг ўрни;
  • - Манбашунослик тадқиқотларида замонавий методология ва инновацион ёндашувлар;
  • - Тарихий манбаларни таҳлил қилиш, танқидий ўрганиш ва илмий муомалага киритиш масалалари;
  • - Архив ҳужжатлари, қўлёзмалар ва нодир манбаларни сақлаш, рақамлаштириш ҳамда тадқиқ этиш муаммолари;
  • - Ёш тадқиқотчиларнинг манбашунослик соҳасидаги изланишлари ва илмий истиқболлари.

Конференция нафақат илмий доира вакиллари, балки кенг жамоатчилик учун ҳам муҳим аҳамиятга эга бўлиб, аждодларимиз меросини кенг тарғиб этиш йўлидаги навбатдаги қадамдир.

Конференция якунлари бўйича мақолалар тўплами нашр этилади. Иштирок этиш учун мақолаларни 2026 йил 17 февралга қадар юборишингиз сўралади.

Техник талаблар:

  • - Тиллар: Ўзбек, рус ва инглиз тилларида.
  • - Формат: MS Word (Times New Roman, 14 pt, 1,5 интервал).
  • - Ҳошиялар: Юқори ва пастдан 2,5 см, чапдан 3 см, ўнгдан 1,5 см.
  • - Расмийлаштириш: Мақола мавзуси катта ҳарфларда ёзилади. Муаллифнинг исм-шарифи, илмий даражаси, иш жойи ва алоқа маълумотлари (Telegram/WhatsApp ва эл-почта) кўрсатилиши шарт.

Боғланиш учун:

Тел/Telegram: +998 99 272 82 51

Электрон почта: termiziycenteruz@gmail.com

Манзил: Сурхондарё вилояти, Термиз шаҳри, Имом Термизий халқаро илмий-тадқиқот маркази.

Имом Термизий халқаро илмий-тадқиқот маркази

Матбуот хизмати

Янгиликлар
#logo