Шу йил 28 апрель куни Имом Термизий номидаги ислом институти ҳамда Имом Бухорий номидаги Тошкент ислом институти ўртасида ўзаро ҳамкорлик меморандуми имзоланди.

Ушбу ҳужжат икки таълим даргоҳи ўртасидаги алоқаларни мустаҳкамлаш, тажриба алмашиш ва биргаликда йирик лойиҳаларни амалга ошириш учун янги имкониятлар эшигини очади. Меморандум доирасида профессор-ўқитувчи ва талабалар иштирокида илмий-амалий семинарлар, халқаро конференциялар ҳамда қизғин давра суҳбатлари ўтказилиши белгиланган.

Шунингдек, таълим жараёнига энг замонавий методларни олиб кириш, ўқув-услубий ишларни янги босқичга кўтариш ва инновацион ёндашувларни амалиётга татбиқ этиш асосий мақсад этиб белгиланди. Бу каби ҳамкорликлар юртимизда илм-фан ва диний таълим ривожига хизмат қилиши, шубҳасиз. 

“Имом Термизий” мадрасаси
Матбуот хизмати