Ҳайдарободдаги машҳур Салар Юнг музейи дунёдаги энг катта антиқа буюмлар ва бир кишига тегишли санъат асарлари коллекциясига эга бўлиб, ислом санъатининг эксклюзив галереясини очади.
Islam.ru портали хабарига кўра, ушбу галерея музейнинг турли қисмларида намойиш этиладиган 2 500 ноёб исломий артефактлардан ташқари, ҳеч қачон омма олдида намойиш этилмаганлари учун ҳам жой топади. Ҳозирги кунда ислом санъатининг бу хазиналари ҳинд, Яқин Шарқ, Европа ва Узоқ Шарқ санъати коллекциялари билан турли галереяларда тарқалган.
Ислом санъатининг эксклюзив галереяси ислом санъатининг барча шаклларини бир жойда тақдим этади.
Ислом санъати галереяси анча олдин очилиши керак эди, лекин Covid-19 бу ишга ўз таъсирини ўтказди. Бироқ энди иш тезлашди ва 2022 йилнинг охирига келиб галерея очишга тайёр бўлади.
Салар Юнг музейидаги санъат асарларининг коллекцияси жуда катта ва турли хил бўлиб, дунёдаги учта музей — Виктория ва Альберт музейи, Британия музейи (Британияда жойлашган) ва Нью-Йоркдаги Метрополитен музейи билан рақобатлаша олади.
Ўзбекистон мусулмонлари идораси матбуот хизмати
Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ташаббуси билан Рамазон ойида ўтказиладиган Хатми Қуръон тадбирларида иштирок этадиган қориларни суҳбатдан ўтказиш анъанаси йўлга қўйилди.
Мазкур анъанани давом эттириш мақсадида 2026/1447-ҳижрий йил Рамазон ойида республикамиз бўйлаб ўтказиладиган Хатми Қуръон тадбирларида қатнашадиган қориларни саралаш учун барча вилоят вакилликларида суҳбатлар ташкил этиш режалаштирилган.
Жумладан, бугун — 2026 йил 2 февраль куни Тошкент вилояти, Андижон, Жиззах, Қашқадарё ва Сурхондарё вилоятларидаги масжидларда хатм ўқийдиган қорилар иштирокида суҳбатлар бўлиб ўтди.
Суҳбат давомида устоз қорилардан иборат ҳайъат томонидан иштирокчиларнинг Рамазон ойига тайёргарлик даражаси синовдан ўтказилиб, уларга зарур тавсиялар берилди.
Al-Quran.uz