Qozog'iston musulmonlari diniy idorasi raisi, bosh muftiy Naurizboy hoji Tag'anuli muftiy Nuriddin domla Holiqnazarov hazratlariga tabrik yo'lladi. Unda jumladan shunday deyiladi:
– Siz muqaddas dinimizning tarqalishiga salmoqli hissa qo'shdingiz. Rahmatli Usmonxon Alimovning xayrli ishlarini davom ettirib, yaxshi tashabbuslarni muntazam tarzda amalga oshirib borasiz, degan umiddaman.
Aminmanki, Siz ikki diniy idora o'rtasidagi oltin ko'prikka aylanasiz. Umid qilamanki, kelgusida dinimiz rivojiga, ikki mamlakat o'rtasidagi diniy aloqalarning mustahkamlanishiga birgalikda hissa qo'shamiz, insha Alloh.
Naurizboy hoji Tag'anuli
Qozog'iston musulmonlari diniy idorasi raisi, bosh muftiy
Bismillahir Rohmanir Rohiym
Bilasizmi? Qur’on sizni faqat jannatga olib borish bilangina cheklanib qolmaydi, balki sizni jannatning eng oliy martaba va darajalarigacha ko‘taradi, yuksaltiradi.
Bu haqda Rasululloh sollallohu alayhi vasallamdan hadis bor. Abdulloh ibn Amr roziyallohu anhudan rivoyat qilinadi. Nabiy sollallohu alayhi vasallam dedilar: «Qur’on sohibiga: “Qiroat qilib ko‘tarilaver. Dunyoda qandoq tartil qilgan bo‘lsang, xuddi shundoq tartil qil. Albatta, sening manziling oxirgi qiroat qilgan oyatingning makonidan bo‘ladi”, deyiladi» (Abu Dovud va Termiziy rivoyat qilgan).
Shunday keyin ham Qur’ondan uzoqda yuraveramizmi?