Falastinning O'zbekistondagi Favqulodda va muxtor elchisi doktor Muhammad Tarshahani 2021 yil 19 oktyabr' kuni Ulamolari Kengashida saylangan Diniy idora raisi, muftiy Nuriddin domla Holiqnazarov hazratlariga tabrik yo'lladi. Unda jumladan shunday deyiladi:
– Falastin ma'muriyati, Falastin musulmonlari diniy boshqarmasi va o'z nomimdan Sizni O'zbekiston musulmonlari idorasi raisi, muftiy lavozimiga tayinlanganingiz ila samimiy tabriklayman. Sizga sihat-salomatlik va tinchlik-xotirjamlik, O'zbekiston davlati va o'zbek xalqi farovonligi yo'lida samarali ishlar olib borishingizda ulkan muvaffaqiyatlar tilayman. Falastin davlati va O'zbekiston musulmonlari idorasi o'rtasida o'rnatilgan o'zaro hamdo'stlik va hamkorlik aloqalarini yuqori baholab, Sizning kelgusida olib boradigan faoliyatingiz tinchlik va totuvlikni o'rnatish, xalqlarimiz o'rtasidagi hamkorlikni yanada rivojlantirishga xizmat qilishiga ishonch bildiraman.
Fursatdan foydalanib, Sizga o'zimning yuksak hurmatimni bildirishga ijozat bergaysiz.

Yaxshi duolar, tinchlik va yaxshilik tilab,

Dr. Muhammad Tarshahani,
Falastin davlatining O'zbekistondagi Favqulodda va muxtor elchisi