Sidney masjidlari COVID-19ga qarshi juda uzoq izolyatsiyadan keyin namozxonlarni kutib olish uchun o'z eshiklarini ochgandan keyin juma kuni hamma quvonch hissiga to'ldi.
Lakembe va Kabramatte masjidlarini boshqarayotgan Livan musulmonlar uyushmasining boshqaruv kengashi a'zosi Mayen Aklning aytishicha," tasavvur qilganingizdek, jamoa bunday qarorni kutib turgan edi", - xabar bermoqda The Guardian.
"Mo'minlarning qalbi ularning ibodat joylari bilan bog'liq bo'lib, ko'proq darajada islom jamoasi bilan bir kunda besh vaqt namoz o'qishga to'g'ri keladi va masjidni Allohning uyi deb biladi", - deydi u.
Islam.ru xabar berishicha, Lakembe masjidi faqat emlangan odamlar uchun ochishga qaror qilgan bo'lsa-da, boshqa masjidlar emlangan va emlanmagan namozxonlarni qabul qilgunga qadar ikki hafta kutishga qaror qildi.
Avvalroq Avstraliya fatvo Kengashi koronavirus vaktsinalari haqida fatvo berib, unda Pfizer va AstraZeneca vaktsinalari musulmonlar uchun halol deb e'lon qilingan edi.
O'zbekiston musulmonlari idorasi matbuot xizmati
2025 yilgi Haj safarida ishtirok etgan yurtdoshlarimiz “Yangi O‘zbekistonning tinchlik va ma’naviyat targ‘ibotchilari” tashabbusi doirasida faol ish olib bormoqdalar. Ushbu tashabbus doirasidagi navbatdagi namunaviy-amaliy tadbir Farg‘ona viloyati Dang‘ara tumanida bo‘lib o‘tdi.
Tadbirda O‘zbekiston musulmonlari idorasi Farg‘ona viloyati vakili, viloyat bosh imom-xatibi Ubaydulloh domla Abdullayev ishtirok etib, tadbirga boshchilik qildi. “Sayyid Ahmadxon hoji” jome masjidida o‘tkazilgan yig‘ilishda tajribali imom-xatiblardan iborat Ishchi guruh tuzilib, ustuvor vazifalar belgilab olindi.
Ishchi guruh uch yo‘nalishda faoliyat olib bordi. Jumladan:
– Hajdan qaytgan ziyoratchilar ma’naviy-ma’rifiy tadbirlarga jalb etildi;
– 65 ta oilaga borilib, ma’naviy suhbat va amaliy yordamlar ko‘rsatildi;
– 9 ta xonadondagi ruhiy-ma’naviy qiyinchiliklar o‘rganilib, maslahatlar berildi.
– Oilaviy kelishmovchilik sababli notinch bo‘lib turgan oilalarga suhbat va nasihatlar o‘tkazildi. Natijada 2 ta arazlashgan oila yarashtirilib, 1 ta ajrimning oldi olindi;
– Sudlanganlar, jazo muddatini o‘tayotganlar hamda ularning oilalari bilan muloqot qilindi.
– Nogiron va ehtiyojmandlar holidan xabar olinib, moddiy-ma’naviy ko‘mak ko‘rsatildi.
Tumanning Taptiqsaroy mahallasida yong‘in oqibatida zarar ko‘rgan xonadonni qayta ta’mirlash ishlari homiylar va hojilar ko‘magida boshlab yuborildi. Bosh imom-xatib Ubaydulloh domla ushbu xonadonga tashrif buyurib, muloqot qildi hamda tavsiyalar berdi.
Bundan tashqari, “Doimobod” mahallasidan bo‘lgan, nogironligi bor fuqaroning uyiga ham tashrif uyushtirilib, tugallanmagan uy qurilishi uchun zarur qurilish materiallari yetkazildi.
Peshin namozidan so‘ng Ishchi guruh tarkibidagi iqtidorli imom-xatiblar jamoatga ma’ruza qilib, tinchlik, osoyishtalik va xalq farovonligi uchun duo qildilar.
O‘zbekiston musulmonlari idorasi
Farg‘ona viloyati vakilligi
Matbuot xizmati