Hozirgina xabar berganimizdek yurtimizning taniqli ulamolari poytaxtimiz masjidlariga tashrif buyurishib, jome masjidlarda namoz o'qish uchun jamlangan jamoatga mavlid oyi fazilati, yurtimizda dinimizning sof ma'rifatini tanitish, diniy-ma'rifiy sohalarda amalga oshirilayotgan ulkan islohotlar va ushbu islohotlarning samaralari, shukronalik, tinchlikning qadriga etish va boshqa bir qancha mavzularda mav'izalar qilib berishmoqda. Taniqli ulamolar asr namozidan so'ng jumladan O'zbekiston musulmonlari idorasi raisi birinchi o'rinbosari Homidjon domla Ishmatbekov – “Shayx Zayniddin”, Yaxyo domla Abduraxmonov “Qo'yliq ota”, Isoqjon domla Begmatov “Islom ota”, Abdulxakim qoraka Komiljon o'g'li “Novza” masjidlarida namozxonlarga ilmiy asosdagi suhbatlar qilib berdilar.
Ma'ruzalar savol-javoblarga ulanib ketdi. Tashriflar davom etmoqda bizni kuzatib boring.







O'zbekiston musulmonlari idorasi
Toshkent shahar vakilligi matbuot xizmati
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan chet eldagi vatandoshlar bilan uchrashish va ularning taklif va istaklarini inobatga olgan holda turli davlatlar qatori ulamolarni AQSH safariga jo‘natish an’anaga aylangan.
Jumladan, bugun 28 oktyabr kuni "Qur’on va tajvidni o‘rgatish" bo‘limi boshlig‘i Shayx Alijon qori Fayzulloh Maxdum xizmat safari bilan mazkur davlatga yo‘l oldi.
Safar asnosida AQSHda istiqomat qilayotgan hamyurtlarimizning Qur’on va tajvid borasidagi ilmlarini oshirish va mazkur davlatda bo‘lib o‘tayotgan Qur’oni karim musobaqasining final bosqichida ishtirok etish rejalashtirilgan.
Alloh taolo ushbu safarni manfaatli va bexatar qilsin!
O‘zbekiston musulmonlari idorasi
Matbuot xizmati