28 Октябр, 2025, 6 Жумадул аввал, 1447
28 Октябр, 2025, 6 Жумадул аввал, 1447
Айни пайтда навбатдаги гуруҳ зиёратчиларимиз Маккаи мукаррамада Каъбатуллоҳ тавофи, беш вақт ва нафал намозлар билан бир қаторда Арафот, Нур, Савр тоғлари ҳамда Мино, Муздалифа водийлари каби муборак қадамжолар зиёрати билан машғул бўлмоқда.
Худди шундай Мадинаи мунавварада ҳам ҳамюртларимиз Уҳуд тоғи ва Қубо масжидлари зиёрати билан бирга Равзаи шариф зиёрати, Масжидун Набавийда кундалик ва нафл намозларни адо этишда бардавом бўлишган эди.
Аллоҳнинг меҳмонлари сафар давомида эҳтиром қилинмоқда. Зиёратчиларни Ўзбекистондан муборак диёрга кузатиш, Жидда аэропорти ва Мадинадаги 5 юлдузли Пулман Зам-зам ҳамда Маккаи мукаррамадаги Ал-Айям элит меҳмонхоналарида муносиб кутиб олинмоқда.
Аллоҳ таоло зиёратчиларимизнинг ибодатларини қабул этсин, барчамизга Байтуллоҳ ёнида дуо қилиш насиб этсин!
Ўзбекистон мусулмонлари идораси
Матбуот хизмати
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан чет элдаги ватандошлар билан учрашиш ва уларнинг таклиф ва истакларини инобатга олган ҳолда турли давлатлар қатори уламоларни АҚШ сафарига жўнатиш анъанага айланган.
Жумладан, бугун 28 октябрь куни "Қуръон ва тажвидни ўргатиш" бўлими бошлиғи Шайх Алижон қори Файзуллоҳ Махдум хизмат сафари билан мазкур давлатга йўл олди.
Сафар асносида АҚШда истиқомат қилаётган ҳамюртларимизнинг Қуръон ва тажвид борасидаги илмларини ошириш ва мазкур давлатда бўлиб ўтаётган Қуръони карим мусобақасининг финал босқичида иштирок этиш режалаштирилган.
Аллоҳ таоло ушбу сафарни манфаатли ва бехатар қилсин!
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 