Jamiyatimizda inson qadri yuqori, har bitta inson davlatimiz e'tiborida. Shu jumladan, muqaddas dinimizda ham inson qadri, uning sha'ni va hayoti e'zozlanib keladi.
Ijtimoiy yordamga muhtoj odamlarga, ya'ni kekseler, nogironlar, yolg'izlar, ahvoli nocharlar va aholining boshqa toifalariga yordam berish jamiyatning yuqori manaviyati va madaniyatidan dalolat beradi. Yaqinlariga yordam berish, hamdard bo'lish sadaqa berish azal-azaldan milliyligimizga hos fazilat.
Payg'ambarimiz alayhissalam: «Rizqingizga sadaqa bilan ko'mak bering”, deydi. Aslida, sadaqa so'zi “sidq” so'zidan olingan bo'lib, “yaxshilik” degan ma'noni anglatadi.
Nukus Imom eshon Muhammad jome masjidi majlislar zalida respublikamizdagi eshitish va gapirish qobiliyatida nuqsoni bor fuqarolar bilan marifiy uchrashuv bo'lib o'tdi. Uchrashuvda Qoraqalpog'iston Respublikasi Vazirlar Kengashi Raisi o'rinbosari R. Saparbayev, Qoraqalpog'iston musulmonlari qoziyatie qozisi Sh. Bauatdinov, O'zbekiston musulmonlari idorasi mutaxassisi M. Abubakirova va boshqalar ishtirok etdi.
Tadbir ishtirokchilariga mutaxassislar tomonidan islom dini ko'p asrlardan bizga meros bo'lib kelayotgan yaxshilik, bag'rikenglik dini ekanligi, uning mazmun-mohiyati, shuningdek, bugungi kunda dinimiz rivojiga o'zining salbiy ta'srin tekkizayotgan missionerlik va prozeletizm harakatlaridan ogoh bo'lish, ularning hiylalariga uchmaslik va boshqada ahamiyatli masalalar haqida surdo tarjimo orqali etkazildi.
Ishtrokchilar orasida bilib-bilmay, ayrim sabablar bilan missionerler ta'siriga tushib qolgan fuqarolar hidoyat topdi va bunday tadbirning tez-tez o'tkazilib turishi haqida o'zlarining takliflarini bildirdi.
Tadbir davomida Nukus Muhammad ibn Axmad al Beruniy madrasasi oshxonasida Qoraqalpog'iston musulmonlari qoziyoti va «Vaqf» xayriya jamoat fondi Qoraqalpog'iston bo'limi tomonidan osh berildi va ularga diniy-marifiy adabiyotlar, oziq-ovqat mahsulotlari berildi.






Qoraqalpog'iston musulmonlari qoziyoti
Toshkent islom institutida «Aprel — O‘zbek va xorijiy tillar fan oyligi» doirasida Imom Buxoriy nomidagi Toshkent islom instituti hamda «Ko‘kaldosh» o‘rta maxsus islom bilim yurti talabalari o‘rtasida do‘stona intellektual bellashuv bo‘lib o‘tdi.
Ta’lim muassasalari o‘rtasidagi ilmiy-ma’rifiy hamkorlikni mustahkamlash maqsadida tashkil etilgan mazkur musobaqa o‘zbek, rus va ingliz tillarida, jami 7 ta murakkab bosqichda o‘tkazildi.
Intellektual duel davomida talabalar nafaqat o‘zlarining til bilish salohiyati va grammatik mahoratlarini, balki mantiqiy fikrlash hamda tezkor qaror qabul qilish qobiliyatlarini ham namoyon etdi. T
Tadbirda ishtirok etgan soha mutaxassislari va ta’lim muassasalari rahbariyati ta’kidlaganidek, bu kabi ilmiy bellashuvlar bo‘lajak mutaxassislarning ham intellektual, ham ma’naviy rivojlanishida muhim poydevor bo‘lib xizmat qiladi.
Oliymahad.uz