— Qaynonam bilan kelishmovchiliklar bo'lgani sababli kelinlik uyimdan homilador holimda chiqib ketgandim. Farzandim tug'ilganda turmush o'rtog'im meni olib ketmoqchi bo'ldi. Lekin qaynonam buni eshitib, menga: “O'g'lim bilan necha oydan beri birga yashamayapsizlar, oralaringdagi nikoh bekor bo'lib bo'lgan”, dedi. Vaholanki, erim taloq bermagan, ajrashaman demagan. Qaynonamning shunday deyishga haqqi bor-mi?
— Uzoq muddat birga yashamaslik nikohni buzuvchi omil emas. Nikoh buzilishi uchun er xotiniga “taloq” so'zini ochiq aytishi yoki unga dalolat qiluvchi kinoya so'zlarni tilga olishi kerak. Birga yashaymiz, deb turgan yoshlarni kattalar o'rtaga tushib, yarashtirib qo'yish o'rniga ularni bir-biridan ayirishga urinish mutlaqo durust emas.
Muhammad Ayyub HOMIDOV
O‘zbekiston tashqi ishlar vaziri Baxtiyor Saidov Indoneziyaning yangi tayinlangan elchisi Siti Ruhaini Juhayatinni qabul qildi, deb xabar qilmoqda "Dunyo" AA muxbiri.
"Indoneziyaning O‘zbekistondagi yangi tayinlangan Elchisi Siti Ruhaini Juhayatin xonimdan ishonch yorliqlari nusxalarini qabul qildik, – deb yozdi O‘zbekiston TIV rahbari o‘zining telegram-kanalida. – Siyosiy muloqotdan tortib iqtisodiy diplomatiyagacha bo‘lgan barcha sohalarda ikki tomonlama aloqalar jadal rivojlanib borayotganini mamnuniyat bilan ta’kidladik. Shubhasiz, O‘zbekiston-Indoneziya o‘rtasidagi munosabatlarni rivojlantirish uchun ko‘plab sohalarda keng imkoniyatlar mavjud.
Elchi xonimning boy tajribasini qadrlaymiz va mamlakatimizdagi faoliyatida muvaffaqiyatlar tilaymiz".
Eslatib o‘tamiz, O‘zbekiston va Indoneziya o‘rtasidagi diplomatik munosabatlar 1992 yil 23 iyunda o‘rnatilgan. O‘zbekistonning ushbu mamlakatdagi yangi elchisi Oybek Eshonov 2024 yilning 4 noyabr kuni Indoneziya Prezidenti Subianto Prabovoga ishonch yorliqlarini topshirgan edi.
"Dunyo" AA olgan surat