Bugun, 23-sentiyabr' kuni Toshkent shahar “Ubay ibn Ka'b” jome masjidi imom-xatibi Abdulhakim qori Matqulov Nurota tumanidagi "Nurota" yodgorlik majmasiga tashrif buyurdi. Ustozga Eshon Boboxon hazratlari hamroxlik qildi.

Ulamolar majmuadagi “Chilustun” jome masjidida peshin namozini jamoat bilan ado etdi. So'ng Abdulhakim qori Matqulov "Tinchlik-xotirjamlik ne'matining qadri" mavzusida suhbat qilib berdi.

Darhaqiqat, Qur'onning 50 dan ziyod surasidagi yuzlab oyatlarda musulmonlar sulh-murosa, tinchlik va bag'rikenglikka chaqirilgan. Musulmonlar uchun eng afzal amal haqida kelgan hadisda shunday deyiladi: “Rasululloh alayhissalomdan so'radilar: “Ey, Allohning Rasuli! Musulmonlarning afzali qaysi kishi?”. U zot alayhissalom: “Qo'lidan va tilidan boshqa musulmonlar ozor topmagan kishidir”, – deb javob berdilar” (Imom Buxoriy rivoyatlari).

Demak, tinchlik va xotirjamlik Alloh taoloning katta ne'matlaridan biridir. Qolaversa, barcha ezgu ishlar ro'yobga chiqishining boisi ham osoyishtalikdir. Shunday ekan, insonlar nafaqat mavjud tinchlikni qadriga etib, shukrini ado etishlari, balki unga noshukrlik qilib putur etkazishdan ham saqlanishlari lozim.

Tashrif davomida ulamolar Nuriy tahallusi bilan mashxur Sayyid ad-Din Abu Hasan maqbarasini ziyorat qilishdi. U erda Qur'on tilovat qilinib, xayrli duolar qilindi.
Safar davom etmoqda...

Alloh taolo ulamolarimiz safarini xayrli va manfaatli qilsin!

hazratnavoi.uz| @hazratnavoi_uz
#Navoiyga_ulamolar_tashrifi
O'zbekiston musulmonlari idorasi matbuot xizmati

@muslimuzportal | @vaqfuz | @diniysavollar