O'zbekiston musulmonlari idorasi tashabbusi bilan Qashqadaryo viloyat vakilligi Qarshi shahridagi "O'rinbobo" to'yxonasida eshitish va so'zlashishda nuqsoni bor, ijtimoiy ximoyaga muhtoj yurtdoshlarimizga “Siz bizga keraksiz!” shiori ostida ma'rifiy tadbir o'tkazildi. Unda O'zbekiston musulmonlari idorasi, Qashqadaryo viloyat vakilligi, “Vaqf” fondining hududiy filiali va hamkor tashkilot xodimlari qatnashdi.

Ma'rifiy tadbirda so'zga chiqqanlar Islom dinining mazmun-mohiyati, imon-e'tiqod masalasi haqida tushuntirdi, missionerlik xataridan ogoh etdi.

Tadbir davomida marhum muftiy Usmonxon Alimov hazratlari tarjima qilgan “Qur'oni karim va o'zbek tilidagi ma'nolar tarjimasi” kitobi imkoniyati cheklangan hamyurtlarimizga hadya tariqasida tarqatildi, shuningdek, oziq-ovqat mahsulotlari berildi.

Yig'ilish yakunida “Vaqf” xayriya jamoat fondi tomonidan uchrashuv ishtirokchilari uchun ehson dasturxoni yozilib, osh tarqatildi.

Qashqadaryo viloyat vakilligi
matbuot xizmati