Bugun bizga qayg'uli bir xabar kelib tushdi – O'zbekiston musulmonlari idorasi raisi, O'zbekiston Respublikasi Oliy muftiysi Shayx Usmonxon Alimov vafot etdilar.

Moskva musulmonlari diniy boshqarmasi va o'z nomimdan Shayx Usmonxon Alimovning oilalari va yaqinlariga hamda butun O'zbekiston ummatiga chuqur hamdardlik bildiraman. O'tganlarni so'zlar bilan orqaga qaytarib bo'lmaydi. Lekin biz, musulmonlar, “Biz, albatta, Allohnikimiz va Ungagina qaytamiz”, degan aqiydadamiz (Baqara surasi, 156-oyat).

Albatta, bu juda og'ir yo'qotish, O'zbekiston xalqi Shayx Usmonxon Alimov erishgan yutuqlarni doimo yodda saqlaydi. Usmonxon Alimov Islomning asl qadriyatlarini qayta tiklash va asrab-avaylashga katta hissa qo'shdi. Yillar davomida u nafaqat xalqiga, balki butun musulmonlar manfaati uchun chin dildan xizmat qilib, muhim loyihalarni qo'llab-quvvatlash va amalga oshirga ulkan hissa qo'shdi.

Qodir Allohdan hurmatli shayx Usmonxon Alimovning ruhini qabul qilib, o'z rahmatini ato etishini so'raymiz. Alloh taolo marhumning bilib-bilmay gunohlarni kechirsin, yaxshiliklarini qabul qilsin va eng yaxshi mukofotlar ila mukofotlasin, jannati na'imda eng yuqori darajalarni ato etsin.

Moskva muftiysi Ildar Alyautdinov