Malayziyada Koronavirus (Covid-19) qarshi kurash choralari tufayli o'z shahrini tark eta olmagan musulmonlar Qurbon hayitini oilalaridan uzoq bo'lgan yurtlarda o'tkazdi.
Joriy yil 13 yanvarda e'lon qilingan favqulodda holat tufayli malayziyaliklar shahar va tumanlar o'rtasida sayohat qilolmadi.
Mamlakatdagi ko'plab musulmonlar o'tgan yildagidek bu yil ham o'z shaharlariga qaytib kela olmadi. Jumladan, poytaxt Kuala-Lumpurda joylashgan “Imon” kompaniyasi xodimlari ikki yildan beri oilasidan uzoqda bo'lmoqda.
Perak viloyatidagi oilasiga borolmagan Imon hamkasblari bilan ta'tilga chiqib, taskin topadi. Do'stlari bilan erta tongda an'anaviy bayram ovqatlarini tayyorlashni boshlagan va o'sha kuni maxsus kiyimlar kiyib olgan Imon va uning do'stlari epidemiyaga qaramay, o'zlarining bayram an'analarini nishonlamoqda.
O'MI Halqaro aloqalar bo'limi
Toshkent viloyatida 8 dekabr – O‘zbekiston Respublikasi Konstitutsiyasi qabul qilingan kun munosabati bilan viloyat imom-xatiblari va noiblari o‘rtasida “Siz qonunni bilasizmi?” mavzusida ko‘rik-tanlov bo‘lib o‘tdi.
Tanlovda diniy soha xodimlarining huquqiy savodxonligi, Konstitutsiya haqidagi bilimlari sinovdan o‘tkazildi.
Tanlovda g‘oliblar aniqlanib, ulaga esdalik sovg‘alari hamda Haj va Umraga (guruh rahbari bo‘lib) yo‘llanmalar berildi.
G‘oliblar:
1. Zangiota tumani “Sadr ota” jome masjidi imom-xatibi Izzatillayev Fayzulloh domla Haj;
2. Toshkent tumani “Ayri ota” jome masjidi imom noibi Sultonov Abu Bakr domla Haj;
3. Bo‘stonliq tumani “Mulla Po‘lat ota” jome masjidi imom-xatibi Isomov Nig‘matilla domla Umra;
4. Olmaliq shahar “Hilol” jome masjidi imom noibi Muydinxonov Sayidmuhammadxon domla Umra yo‘llanmasini (guruh rahbari bo‘lib) qo‘lga kiritdi.
Fursatdan foydalanib, barcha g‘oliblarni samimiy qutlaymiz.
O‘zbekiston musulmonlari idorasi
Toshkent viloyati vakilligi Matbuot xizmati