Yangiliklar
Indoneziya matbuoti: I Xalqaro islom sivilizatsiyasi forumi xalqaro muloqot uchun muhim maydon bo‘ldi
20.07.2026
15350
1 min.
Indoneziya OAVlarida Toshkent, Samarqand va Termiz shaharlarida bo‘lib o‘tgan I Xalqaro islom sivilizatsiyasi forumi, uning yakunlari va xalqaro ahamiyati keng yoritildi, deb xabar bermoqda “Dunyo” AA.
Xususan, “Garuda TV”, “Indonesiainside”, “Kabarsurya”, “Apaberita”, “Retizen (Republika)” “Kalimantan Post”da turli materiallar e’lon qilindi.
Ta’kidlanishicha, “Islom sivilizatsiyasi: tinchlik, bag‘rikenglik va ilm-ma’rifat yo‘li” shiori ostida tashkil etilgan forumda ko‘plab mamlakatlardan olimlar, din arboblari, ekspertlar va xalqaro tashkilotlar vakillari faol ishtirok etgan.
Indoneziya ommaviy axborot vositalari forumning eng muhim natijalari sifatida Toshkent deklaratsiyasi qabul qilinganiga alohida e’tibor qaratdi. Islom sivilizatsiyasi merosini raqamlashtirish, elektron kutubxona va yagona reyestr yaratish, muzeylar hamda tadqiqot muassasalari o‘rtasidagi aloqalarni rivojlantirish bo‘yicha ilgari surilgan takliflar forumning muhim amaliy natijalari sifatida baholandi.
Maqolalarda O‘zbekistonning islom sivilizatsiyasi taraqqiyotiga qo‘shgan ulkan hissasi haqida alohida to‘xtalib o‘tilgan. Samarqand, Buxoro va Termiz kabi shaharlarning jahon ilm-fani hamda islom madaniyati rivojida tutgan o‘rni yuksak baholangan.
Shuningdek, Imom Buxoriy, Imom Moturidiy va Imom Termiziy singari buyuk allomalarning ilmiy merosini o‘rganish va targ‘ib qilish bo‘yicha amalga oshirilayotgan ishlar haqida batafsil ma’lumot berilgan.
Indoneziya ommaviy axborot vositalarida e’lon qilingan materiallar tahlili shuni ko‘rsatadiki, I Xalqaro islom sivilizatsiyasi forumi nafaqat O‘zbekiston, balki butun islom olami uchun muhim xalqaro ilmiy-ma’rifiy voqea sifatida e’tirof etildi.
O‘zbekiston musulmonlari idorasi Matbuot xizmati
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
