Checheniston Respublikasi poytaxtiga Rustam Qo'rg'onboyev va Ho'jabahlil Asamovlardan iborat O'zbekiston delegatsiyasi keldi, deb xabar berdi grozny.tv. Ular Checheniston aholisi uchun O'zbekistonning ziyorat turizmi imkoniyatlarini taqdim etdilar.

"Diniy sayohatlar mintaqada ham, xorijda ham turizmni rivojlantirishga hissa qo'shadi, ikki respublika o'rtasidagi munosabatlarni yaxshilaydi va yosh avlod o'rtasida ta'lim olish imkonini beradi", - deydi Checheniston turizm vaziri Muslim Baitaziyev.

Delegatsiyada Buxoro madrasasi Miri Arabda tahsil olgan, Chechenistonning birinchi Prezidenti, Rossiya qahramoni Axmat-Hoji Qodirovning ustozi bo'lgan hattotlik o'qituvchisi Habibullo Solihov ham bor edi. U kishi Checheniston Respublikasining birinchi prezidentiga tegishli xotira narsalarini Qodirov Davlat galereyasiga topshirdi.

Yig'inda Ingushetiyadan turizm vazirligi vakillari va sayyohlik kompaniyalari vakillari ham taklif etildi. Shuningdek, Checheniston Respublikasi diniy idorasi vakillari, mintaqa ijro etuvchi organlari, Grozniydagi Rossiya tashqi ishlar vazirligi va mintaqa turizm sohasi vakillari ishtirok etishdi.

O'zbekiston musulmonlari idorasi matbuot xizmati