2022 yilning mart oyida Qorachoy-Cherkasiyada 5 ming kishiga mo'ljallangan jome' masjidning tantanali ochilishi rejalashtirilgan. Bu haqda respublika rahbari Rashid Temrezov viloyat aholisi bilan jonli efir vaqtida ma'lum qildi.
"Biz aynan bir yildan keyin – 2022 yilning 1 martida – Cherkessk shahrida respublika masjidining ochilishini rejalashtirganmiz", - deya gubernatorning so'zlarini keltiradi Interfaks.
Bo'lajak musulmon inshootining poydevori 2007 yilning noyabr' oyida qo'yilgan bo'lib, binoning faol qurilishi 2011 yilning aprel' oyida boshlangan edi. Masjid Vizantiya uslubida qurilgan bo'lib, har biri 52 metr balandlikdagi to'rtta minoralar bilan bezatilgan.
Islam-today xabariga ko'ra, bugungi kunda respublika jome' masjidining maydoni 4,2 ming kvadrat metrni tashkil etadi. Bino 5 ming kishiga mo'ljallangan bo'lib, masjid hovlisida ham ado etiladigan bayram namozlarida 10 mingdan ortiq namozxonlarni o'z bag'riga sig'dira oladi.
O'zbekiston musulmonlari idorasi matbuot xizmati
Osmonlaru yerni yaratgan Zotning qarshisiga ma’siyatlar ila chiqa ko‘rmang, g‘azabiga toqatingiz, iqobiga sabringiz va azobiga qudratingiz yetmaydi.
Doktor Abdul Muhsin Ahmad o‘zining bir qarindoshi bilan bo‘lgan voqeani aytib berdi. Voqeaga ko‘ra bir yigit ukasiga doim “Allohga hamd aytgin” desa, ukasi: “Nima uchun Allohga hamd aytishim kerak?” – der, Yaratganga bo‘yin eggisi kelmasdi.
Axir uning bu gapini olamlar Rabbi bo‘lgan Zot eshitib turibdi! Alloh uni ikki oyog‘i bilan yurg‘izib qo‘yibdi, qancha odamlar yura olishmaydi. Necha-necha insonlar ko‘rish ne’matidan mosuvo bo‘lganida, uning ko‘zlari ko‘rib turibdi.
Vaqt o‘tib yigit avtohalokatga uchraydi. Uning a’zolari qattiq shikastlanadi. Operatsiyadan so‘ng doktor Abdul Muhsin Ahmad uni bir umr nogiron bo‘lib qolganligini, tanasining yarmi ishlamasligini, aniqrog‘i, bir o‘limdan qolganligini aytadi.
Alloh buyuk! Uning ne’matlari cheksiz. Biz bandalar doim shukrda bo‘lmog‘imiz lozim. Zero, Alloh taolo aytadi: «...Albatta, Uning ushlashi alamli va shiddatlidir»[1].
Tasavvur qiling, bordi-yu, siz do‘zaxiylardan bo‘lsangiz, u yerdagi azobga chiday olasizmi?! Albatta, yo‘q.
Shunday ekan Allohga tavba qiling! U Zotga xush kelmaydigan ishlardan qayting. Solih amallar ila Rabbingizga yaqinlashing.
Alloh bergan ne’matlarga shukr qiling. Gunoh va ma’siyatning kichikligiga qaramang. Allohning buyukligini nazaringizdan qochirmang.
Alloh buyuk! U Zot sizni kutilmaganda ushlamasidan avval qalbingizni qo‘rquv ila to‘ldiring. Qazoingiz yaqinlashmasidan avval poklaning. O‘lim kelgandagi pushaymondan naf yo‘q va buning uchun imkon berilmas...
Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.
[1] Hud surasi, 102-oyat.