Ispaniya nashri: O'zbekiston – Ipak yo'lidagi globallashuv
Ispaniyaning etakchi onlayn nashri "Ejecutivos" Migel' De Servantes nomidagi Ispaniya madaniyat uyushmasi rahbari Fernando Lens va iqtisodiy masalalar bo'yicha ekspert, xalqaro sharhlovchi Eduardo Guaylupolarning "Abadiy O'zbekiston: Ipak yo'lidagi globallashuv"maqolasini chop etdi, deb xabar beradi "Dunyo" axborot agentligi.
"O'zbekistonning tarixiy shaharlari: Samarqand, Buxoro va Hivadan o'tgan Ipak yo'li tinchlik, bilim va farovonlik yo'li bo'lib, savdo-sotiq, madaniyatlarning shakllanishi va xalqlarning birlashuvi orqali rivojlangan. Shuning uchun O'zbekistonning ushbu yo'nalishining globalizatsiya markazi sifatida katta ahamiyati bor. O'zbekiston dunyodagi uchinchi yirik oltin ishlab chiqaruvchi va oltinchi yirik paxta ishlab chiqaruvchi va eksport qiluvchi ("oq oltin"deb ham ataladi). Gaz, mis va boshqa mahsulotlar ham eksport qilinadi", deya yozadi nashr.
Mualliflar maqolani mamlakat poytaxti yoshi 2 200 yil bo'lgan 2,5 million aholisi bor Toshkent shahri bilan boshlaydi. Unda jumladan bunday deyiladi:
– 70 gektar maydonni o'z ichiga olgan Hazrat Imom majmuasi XVI asrda qurilgan va 1997 yilda qayta qurilgan Qaffol Shoshiy, Imom Buxoriy Islom instituti XVI asr maqbarasidan iborat. Uning fasadida mozaika va Qur'on yozuvlarini ko'rish mumkin. XVI asrga mansub Baroqxon madrasalari ham shu erda joylashgan. Bu erda mehmonlarga turli xil mahsulotlarni taklif etadigan bir nechta hunarmandchilik do'konlari bor.
Mo'yi muborak madrasasida Halifa Usmon yozgan va musulmonlar tomonidan dunyodagi eng qadimiy hisoblangan Qur'on mavjud.
Uchta masjid bor: Namozgoh (1845-1867), Tilla Shayx (1856-1857). Va nihoyat, 2007 yilda qurilgan va XVI asr masjidlari uslubini saqlab qolgan Hazrat Imom masjidi. Balandligi 53 metr bo'lgan ikkita minoraga ega.
O'z tarixi davomida madaniyatga berilgan bu ahamiyat Toshkentni 2007 yilda ISESCO tomonidan Islom madaniyati poytaxti deb e'lon qilinishiga sabab bo'ldi.
O'zbekiston musulmonlari idorasi matbuot xizmati
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
- «
- »