Sayt test holatida ishlamoqda!
19 Iyul, 2025   |   24 Muharram, 1447

Toshkent shahri
Tong
03:27
Quyosh
05:06
Peshin
12:34
Asr
17:39
Shom
19:56
Xufton
21:27
Bismillah
19 Iyul, 2025, 24 Muharram, 1447

Chechenistonda XIX asrga mansub masjid qayta tiklanadi

24.02.2021   1465   1 min.
Chechenistonda XIX asrga mansub masjid qayta tiklanadi

Hakmada qishlog'idagi tarixiy masjid hududida geologik tadqiqot ishlari boshlandi. Bu haqda "Grozniy-inform" axborot agentligi Checheniston Respublikasi Madaniyat vaziri o'rinbosari-Baudi Daayevga asoslanib xabar bermoqda.

Hakmadada Checheniston Respublikasi hududida qurilgan birinchi masjidlardan biri joylashgan. "Hakmada" masjidi XIX asr me'moriy yodgorligiga mansub. Sharoy tumanida, Sharo-Argunning o'ng irmoqlari bo'lgan Hakmadoy va Mel'chixi kichik daryolari hosil qilgan ulkan burunning sharqiy qismida joylashgan.

Hakmada qishlog'i masjidi diniy madaniy meros ob'ektida barcha geologik tadqiqot ishlari bilan loyihalash va smeta hujjatlarini ishlab chiqish jarayoni allaqachon boshlangan. XIX asr Hakmada tarixiy-me'moriy majmuasidagi ishlar 2023 yilgacha to'liq qayta tiklash reja qilingan", dedi Checheniston Respublikasi Madaniyat vaziri o'rinbosari-Baudi Daayev.

Unga ko'ra, masjid binosi mahalliy standartlar bo'yicha juda katta to'rtburchakli inshoot bo'lib, ohak ustiga yaxshi ishlov berilgan toshdan yasalgan. Ikki qavatli masjidning maydoni 13.05 x 15.30 metr. Mehrobning balandligi 1,90 metr. Mehrobning o'ng va chap tomoniga-ikkita deraza tirqishi, 1-qavatda-to'rtta deraza tirqishi, devorning butun maydoni bo'ylab bir tekis joylashtirilgan.

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar

Namozdan keyingi zikrlar qanday aytiladi?

16.07.2025   3679   2 min.
Namozdan keyingi zikrlar qanday aytiladi?

Savol: Namozdan keyin imom «Oyatal kursiy»ni boshidan o‘qiganda jamoat qolganini ichida davom ettiradimi yoki boshidan boshlaydimi? Zikrlarni aytishdachi?


Javob: Bismillahir Rohmanir Rohiym. Namozdan keyin oyatal kursiy va tasbehlarni aytish mustahab amal sanalib, ularni imom ham, jamoat ham o‘qishlari mandub, ya’ni go‘zal va savobli ish hisoblanadi. Shuning uchun imom boshlab berganidan keyin jamoatdagilar ham oyatal kursiyni boshidan o‘qiydilar.

Shuningdek, tasbehlarni 33 tadan aytadilar. Imom ularni ovoz chiqarib boshlab berishining sababi jamoatga aytiladigan zikrni eslatish uchundir.

Payg‘ambarimiz alayhissalom farz namozlardan keyin «Oyatal kursiy»ni o‘qishning fazilati haqida bunday deydilar: “Kim har bir farz namozidan keyin Oyatal kursiyni o‘qisa, keyingi namozgacha Alloh taoloning zimmasida bo‘ladi” (Imom Tabaroniy rivoyatlari).

Boshqa bir hadisi sharifda bunday deyiladi:

“Kim har bir farz namozning ortidan Oyatal kursiyni o‘qisa, uni jannatga kirishdan faqatgina o‘lim to‘sib turadi” (Imom Nasoiy rivoyati).

Namozdan keyin tasbehlarni aytish borasida Abu Hurayra roziyallohu anhudan rivoyat qilingan hadisda: Rasululloh sollallohu alayhi vasallam: Kim har namozdan keyin o‘ttiz uch marta Allohga tasbeh aytsa, o‘ttiz uch marta Allohga hamd aytsa, o‘ttiz uch marta Allohu akbar, desa hammasi to‘qson to‘qqiz bo‘ladi. Yuzinchisida Laa ilaha illallohu vahdahu laa shariyka lahu lahul mulku va lahul hamdu va huva ala kulli shayin qodiyrni aytsa, uning gunohlari dengiz ko‘piklaricha bo‘lsa ham mag‘firat qilinadi”, deyilgan (Imom Muslim rivoyati).

Shunga ko‘ra imom domla Subhanalloh, Alhamdulillah, Allohu akbar deyishi o‘zi uchun hisobga o‘tadi. Jamoatdagi namozxonlar 33 tadan o‘zlari aytishlari kerak bo‘ladi. Vallohu a’lam.

 

O‘zbekiston musulmonlari idorasi
Fatvo markazi.