Sayt test holatida ishlamoqda!
29 Yanvar, 2026   |   10 Sha`bon, 1447
search icon
Avvalgi sayt
ЎЗ РУ EN AR

Toshkent shahri
Tong
06:16
Quyosh
07:37
Peshin
12:41
Asr
15:54
Shom
17:39
Xufton
18:54
Bismillah
29 Yanvar, 2026, 10 Sha`bon, 1447
Avvalgi sayt
#search
 YouTube

Hindiston va Bangladesh aholisi orasida O'zbekistondagi tarixiy-islomiy qadamjolarga qiziqish yuqori bo'lmoqda

26.01.2021   1850   1 min.
Hindiston va Bangladesh aholisi orasida O'zbekistondagi tarixiy-islomiy qadamjolarga qiziqish yuqori bo'lmoqda

Mamlakatimizning Hindistondagi elchixonasida Dehli shahri Jome' masjidi Maslahat kengashi bosh kotibi Sayid Tariq Rahmat Buxoriy bilan uchrashuv o'tkazildi, deb xabar bermoqda «Dunyo» AA.
Tadbirdan maqsad mamlakatimizga xorijiy sayyohlar oqimini oshirish, xususan, ziyorat turizmi salohiyatidan keng foydalanish bo'yicha amalga oshirilayotgan ishlarni yanada chuqurlashtirish masalalarini muhokama qilishdan iborat bo'ldi.
Muloqotda Tariq Rahmat Buxoriy O'zbekiston va Hindiston o'rtasida turizm sohasi hamkorlikning ustuvor yo'nalishlaridan biri ekani va dunyoda davom etayotgan pandemiya bilan bog'liq vaziyat barqarorlashuvi bilan mazkur yo'nalish ham o'z navbatida bosqichma-bosqich izga tushishiga ishonch bildirdi.
T.Buxoriy Hindiston va Bangladesh aholisi orasida O'zbekistondagi tarixiy-islomiy qadamjolarga qiziqish yuqori ekanini ta'kidlab, xususan, bu borada “Toshkent-Dakka-Toshkent” yo'nalishida aviaqatnovlarni tiklash masalasini o'rganib chiqishni taklif qildi.
Pandemiya sharoitida O'zbekiston bo'ylab tashkil etilayotgan xavfsiz turizm, aviatashuvchilar va turoperatorlarga taqdim etilayotgan qator imtiyozlar bilan yaqindan tanishish maqsadida O'zbekiston, Hindiston va Bangladesh turkompaniyalari o'rtasida yaqin kunlarda onlayn-taqdimotlar o'tkazishga kelishib olindi.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Yangiliklar

“Qur’on va tajvid” kurslari o‘qituvchilari uchun mahorat darsi

29.01.2026   1203   1 min.
“Qur’on va tajvid” kurslari o‘qituvchilari uchun mahorat darsi

O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan mamlakatimizdagi “Qur’oni karim va tajvid” o‘quv kurslari faoliyatini takomillashtirish borasida tizimli islohotlar amalga oshirilmoqda.


Shu maqsadda “Qur’on va tajvidni o‘rgatish” bo‘limi tomonidan o‘qituvchi va mas’ul xodimlar uchun mahorat oshirishga qaratilgan turkum onlayn darslar tashkil etilgan edi. Joriy yilning 28 yanvar kuni mazkur silsilaviy darslarning navbatdagi mashg‘uloti bo‘lib o‘tdi.


Zoom platformasi orqali tashkil etilgan mashg‘ulotda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov hamda Din ishlari bo‘yicha qo‘mita mas’ul xodimi Elyor Alimqulov ishtirok etdilar. Ular soha mutaxassislariga ta’lim sifatini oshirish va ish jarayonini to‘g‘ri tashkil etish bo‘yicha zarur tavsiyalar berdilar.


Darsning asosiy qismida bo‘lim boshlig‘i Shayx Alijon qori Fayzulloh Maxdum “Qur’oni karim shafoati” kitobi asosida ilmiy ma’ruza qildi. Ta’kidlash joizki, kelgusida darslarda faol ishtirok etgan va bilimlarini muvaffaqiyatli namoyish qilgan tinglovchilarga ushbu kitob bo‘yicha maxsus ijoza berilishi rejalashtirilgan. 

AlQuranuz

 

“Qur’on va tajvid” kurslari o‘qituvchilari uchun mahorat darsi “Qur’on va tajvid” kurslari o‘qituvchilari uchun mahorat darsi
O'zbekiston yangiliklari
#logo