Qoraqalpog'iston Respublikasi Adliya vazirligi tomonidan “Muhammad Baxiy iyshan” masjidi ro'yxatdan o'tkazilib, bu to'g'ridagi guvohnoma jome xodimlariga topshirildi.

Yangi masjid mamlakatimizning shimoliy hududi, Qoraqalpog'iston Respublikasi, Nukus shahar, “Jeke terek” ovul fuqarolar yig'ini hududida joylashgan.

Masjid nomi qoraqalpoq elining atoqli ulamosi, marhum Muhammad Baxiy iyshon hazratlari nomiga qo'yildi.

Ma'lumot uchun, ushbu masjid ochilishi bilan Mamlakatimizdagi masjidlar soni 2080 ta, Qoraqalpog'iston Respublikasida esa 52 taga etdi.

Alloh taolo ushbu masjidni “Jeke terek” ovul fuqarolar yig'ini ahli va xalqimizga muborak qilsin. Uning faoliyatini yo'lga qo'yishga hissa qo'shganlardan O'zi rozi bo'lsin!

O'zbekiston musulmonlari idorasi matbuot xizmati