Tailand hukumati halol sanoatni rivojlantirish orqali ushbu sohadan tushayotgan daromadni uning iqtisodiy rivojlanishi va barqarorligi ko'rsatkichlaridan biriga aylantirishga harakat qilmoqda.
Tailand IQNA sayti ma'lumotlariga ko'ra, jahonda oziq-ovqat, xususan, halol mahsulotlarga bo'lgan talab ortib borayotgani sabab halol mahsulotlar ishlab chiqaruvchi va eksport qiluvchi dunyodagi etakchi davlatlardan biri ekanini hisobga olib, mamlakat hukumati ushbu sohani rivojlantirish istagini bildirmoqda.
Unga ko'ra halol mahsulotlar faqat oziq-ovqat bilan cheklanib qolmay, balki bozor qiymati 2 trillion dollardan ortiq bo'lgan moda, media, farmatsevtika va turizm kabi boshqa sohalarni ham o'z ichiga oladi.
Hozirda Tailand oziq-ovqat eksportining 20 foizi halol mahsulotlarga to'g'ri keladi. 2021 – 2022 yillarda Tailand halol mahsulot eksportidan 6 milliard dollar daromad oldi.
Ushbu maqsadga erishish uchun yangi hukumat barcha tegishli muassasalarni o'quv kurslarini tezlashtirish va osonlashtirish, zarur litsenziya va sertifikatlar berish, zarur jihozlar bilan ta'minlash va uni Halol standartlari tamoyillari asosida standartlashtirishga safarbar etdi.
O'zbekiston musulmonlari idorasi
Matbuot xizmati
Namanganda «Inson qadri» kitobi taqdimoti va soha xodimlarini taqdirlash marosimi bo‘lib o‘tdi.
Namangan shahridagi taqdimot marosimida Musoxon domla Abbosiddinov va boshqa mutasaddilar ishtirok etib, O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining yangi asari mazmun-mohiyatini tahlil qildilar. So‘zga chiqqanlar kitob jamiyatda mehr-oqibat va odob-axloq tuyg‘ularini mustahkamlashda muhim dasturilamal bo‘lishini ta’kidladilar.
Shuningdek, tadbir doirasida viloyat va tuman bosh imom-xatiblari uchun yangi dizayndagi maxsus liboslar taqdim etildi.
Tadbir yakunida yil davomida eng faol bo‘lgan imom-xatib va otinoyilarga tashakkurnomalar topshirildi.
O‘zbekiston musulmonlari idorasi
Matbuot xizmati