Cavol: Bilamizki, dinimizda erkaklar ipak matodan kiyim kiyishi man qilingan. Bir shim sotib olgandim. Shu shimning 70 % matosi sun'iy ipak deb yozibdi, ya'ni sun'iy ipak ekan. Shu shimni kiyish joizmi?
Javob: Bismillahir Rohmanir Rohiym. Sun'iy ipak haqiqiy ipakka muqobil ravishda ishlab chiqarilgan mato turi xolos. Unga haqiqiy ipakning hukmi berilmaydi. Undan tikilgan kiyimlarni kiyish erkaklar uchun joizdir. Hadislarda taqiqlangan ipak haqiqiy, tabiiy ipakdir.
Abu Muso Ash'ariy roziyallohu anhudan rivoyat qilinadi. Rasululloh sollallohu alayhi vasallam: “Ipak kiyim va tilla ummatimning erkaklariga harom qilindi, ayollariga halol qilindi”, dedilar (Imom Termiziy rivoyati).
Ipakning erkaklarga harom qilinishi hikmati, bu mato juda nafis va muloyim bo'lib, ayollik tabiati hamda latofatiga mos keladi. Aksincha erkaklarning tabiatiga esa muvofiq kelmaydi. Vallohu a'lam.
O'zbekiston musulmonlari idorasiFatvo markazi
Yangi O‘zbekiston taraqqiyot yo‘lining 10 yilligi munosabati bilan joriy yilning 18–20 noyabr kunlari O‘zbekiston delegatsiyasi Iordaniya Hoshimiylar Podshohligida bo‘lib, ilmiy-ma’rifiy tadbirlar, ikki tomonlama uchrashuvlar va kitob taqdimotlarida ishtirok etadi.
Safar davomida Ammon shahridagi nufuzli tashkilotlar, ilmiy markazlar va oliy o‘quv yurtlari bilan hamkorlikda podshohlikning milliy kutubxonalari hamda oliy ta’lim muassasalarida «Yangi O‘zbekiston kitob burchaklari» tashkil etiladi. Shuningdek, ushbu maskanlarda Davlatimiz Rahbarining arab tiliga tarjima qilingan asarlari hamda keng ko‘lamli islohotlarga bag‘ishlangan kitob-albomlar taqdimoti o‘tkaziladi.
Shu bilan birga, Iordaniya jamoatchiligi vakillari, ziyolilar, ilm-fan namoyandalari, ulamolar hamda din va davlat arboblari ishtirokida «Yangi O‘zbekiston fenomeni»ning 10 yilligiga bag‘ishlangan xalqaro anjuman-taqdimot bo‘lib o‘tadi.
Tadbirlar doirasida mamlakatimiz vakillari bilan Iordaniyaning diniy-ma’rifiy tashkilotlari rahbarlari va akademik muassasalar yetakchilari o‘rtasida ikki tomonlama uchrashuvlar o‘tkazilishi ham rejalashtirilgan.
O‘zbekiston musulmonlari idorasi Matbuot xizmati