Jazoir axborot markazining xabar berishicha, poytaxt Jazoirda Qur'on maktabining ochilish marosimida so'zga chiqqan Yusuf Belmahdiy mamlakatda Qur'on maktablari va Qur'on markazlarining jadal rivojlanishini olqishladi.
Uning aytishicha, 1,2 milliondan ortiq jazoirliklar Qur'on maktablari va markazlarida Qur'on kurslarida tahsil olmoqda. Ular Qur'on yod olish, tilovat va tafsir o'rganishmoqda, dedi u.
Vazir yozgi Qur'on maktablarini yuritish bo'yicha mas'ullarning sa'y-harakatlarini yuqori baholadi va o'tgan yili bu maktablarda Qur'on o'rganish uchun 500 mingga yaqin talaba ro'yxatdan o'tgan bo'lsa, bu yil yozda Qur'on kurslariga yozilayotgan talabalar soni ko'proq ekanini aytdi.
Belmahdiyning aytishicha, vazirlik bu yozda boshqa Qur'on tadbirlari, jumladan yozgi Qur'on lagerlari ham tashkil qilgan.
#yangilik
@quranuz_kanali
Namanganda «Inson qadri» kitobi taqdimoti va soha xodimlarini taqdirlash marosimi bo‘lib o‘tdi.
Namangan shahridagi taqdimot marosimida Musoxon domla Abbosiddinov va boshqa mutasaddilar ishtirok etib, O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining yangi asari mazmun-mohiyatini tahlil qildilar. So‘zga chiqqanlar kitob jamiyatda mehr-oqibat va odob-axloq tuyg‘ularini mustahkamlashda muhim dasturilamal bo‘lishini ta’kidladilar.
Shuningdek, tadbir doirasida viloyat va tuman bosh imom-xatiblari uchun yangi dizayndagi maxsus liboslar taqdim etildi.
Tadbir yakunida yil davomida eng faol bo‘lgan imom-xatib va otinoyilarga tashakkurnomalar topshirildi.
O‘zbekiston musulmonlari idorasi
Matbuot xizmati