Horijiy ommaviy axborot vositalari ma'lumotlariga ko'ra, Latviyada Islom dini ommaviylashib bormoqda. Tahlilchilar yaqin yillarda Latviya ham xuddi Yevropaning aksar davlatlari singari ko'plab musulmonlarning vataniga aylanishini bashorat qilishyapti.
Hozirgi vaqtda Latviyada 12 ta islomiy tashkilot ro'yxatga olingan. Ular Rigadagi “Imon”, “Qur'on”, “Islom” tashkilotlari va boshqa shaharlardagi “Omina”, “Marzoniy”, “Salom”, “Rayyon” hamda Yekabpils, Riga shahri atrofidagi Vidzemsk va Zemgal'sk shaharchalaridagi musulmon jamoalaridir.
Latviya universiteti ilohiyotshunoslik fakul'teti o'qituvchisi Valdis Teraudkalis mamlakatda musulmonlar tez ko'payayotganini e'tirof etdi. U buning ajablanadigan joyi yo'qligi, chunki jamiyatda Islomning munosib o'rni borligini ta'kidladi.
– Mamlakatda musulmonlar soni ortib bormoqda. Bu bir qarashda ko'zga yaqqol tashlanmaydigan jarayon. Islomga kirayotganlarning ko'plari latishlar va ruslardir. Ammo Latviyada ham boshqa davlatlardagi kabi islomofobiya mavjud va odamlar ko'pchilikka uncha tanish bo'lmagan dindan qo'rqadi, – deydi ilohiyotshunos ekspert.
– Islom haqidagi salbiy tasavvurlar ko'pincha u xususda etarlicha ma'lumotga ega bo'lmaslik oqibatida hosil bo'ladi. Holbuki, barcha dinda tajovuzkorlik qattiq qoralanadi. Har bir din keng yoyilish yoki jamiyat manfaatini ifoda etish xususiyatiga ega.
Islomni qabul etgan mahalliy aholi o'rtasida olib borilgan so'rovlardan ayon bo'lishicha, Latviya aholisidan musulmon bo'lganlarning ko'pchiligi Islom ta'limoti pokizalikka alohida e'tibor qaratgani, ibodatlarning muntazamligi hamda insonni har doim hushyorlikka da'vat qilgani uchun dinimizni tanlamoqda.
Damin JUMAQUL tayyorladi.
"Islom nuri" gazetasidan
Joriy yilning 10 may kuni Andijon viloyati bosh imom-xatibi Mirzamaqsud domla Alimov boshchiligida Qo‘rg‘ontepa tumanidagi “Yunus Ali Oxund” jome masjidida viloyatning shahar va tumanlari bosh imom-xatiblari, otinoyilar va hojilar ishtirokida Qo‘rg‘ontepa tumani xamda Xonobod shahrida faoliyat ko‘rsatayotgan masjid imom-xatiblarining faodiyat samaradorligini oshirish yuzasidan sayyor seminar yig‘ilishi o‘tkazildi.
Dastavval seminar ishtirokchilari bo‘lgan shahar-tuman bosh imom-xatiblar, otinoyilar tomonidan o‘zlariga biriktirilgan xonadonlarga kirib, aholi bilan yuzma-yuz ko‘rishib, ularga ma’naviy va moddiy yordamlar ko‘rsatildi. So‘ng esa shahar-tuman bosh imom-xatiblari o‘zlariga biriktirilgan masjidlarda peshin namozini ado etib, namozga kelgan jamoatga ma’rifiy suhbatlar qilib berdilar.
Seminar yig‘ilishida esa notiqlar tomonidan Qo‘rg‘ontepa tumani xamda Xonobod shahridagi masjidlarning faoliyati haqida keng ma’lumotlar berilib, tumanida faoliyat ko‘rsatayotgan imom-xatiblarning faoliyat samaradorligi oshirish bo‘yicha kerakli ko‘rsatma va topshiriqlar berildi.
Shuningdek, tumandagi Masjid imom-xatiblik faoliyatida namunali va faol mexnat qilayotgan imom-xatib viloyat bosh imom-xatibining tashakkurnomasi va esdalik sovg‘asi bilan taqdirlandi.
Andijon viloyati vakilligi matbuot xizmati