Ramazon vaqtlarini qanday o‘tkazaylik?
Qur’oni karimni ko‘p tilovat qiling. Nabiy sallollohu alayhi vasallam o‘zlari Jabroil alayhissalom bilan bir-birlariga galma-galdan Qur’oni karimni o‘qib berar edilar.
- Nafllar va zikrlarni yanada ko‘paytiring.
- Musulmonlarning hojatlari va ehtiyojlarini o‘ylang va ularning g‘amlariga sherik bo‘ling.
- Biror kimsadan ozor yetsa , sabr qiling va o‘zingiz ham hech kimga ozor bermang.
- Biror kimsa siz bilan janjallashishni va behuda tortishishni xohlasa, siz unga “men ro‘zadorman” deng.
- Faxsh so‘zlar, balki behuda so‘zlardan ham o‘zingizni saqlang.
- Muxaqqiq ulamolar nazdida qadr kechasi biror kunga xos emas. Shuning uchun har kechada biroz bo‘lsa ham ibodat qilishga harakat qiling. Toki, agar aynan o‘sha kecha qadr bo‘lsa, u holda bizga o‘sha kechaning barakalaridan ulush nasib etsin.
- Hargiz yolg‘on gapirmang va hech kimni g‘iybat qilmang.
- Nafl ishlarning savobi farzlarga teng bo‘lgani uchun imkon qadar muxtojlarga moliyaviy ko‘mak ham bering.
- O‘z xodimlaringiz va qo‘l ostidagilaringizning ishlari va mas’uliyatlarida yengillik qiling.
- La ilaha illalloh, Muhammadur Rosululloh va istig‘forni ko‘p ayting.
- Jannatni ko‘p so‘rang va jahannamdan ko‘p panoh so‘rang.
- O‘ta ojizlik va xokisorlik ila ko‘p duo qiling.
- Gazetxonlik va hokazo kabi muboh ishlarga ham kamroq vaqt sarflang.
- DVD, TV, Kino ko‘rmang. Shuningdek, radio, magnitafon va hokazolar orqali qo‘shiqlar va behuda narsalar eshitishdan juda qattiq saqlaning.
- Tahajjud, ishroq, choshtgoh, avvobiyn namozlariga xos e’tibor qarating.
- Imkon bo‘lsa butun oxirgi o‘n kunda e’tikofga himmat qiling. Bo‘lmasa qancha imkon bo‘lsa, shuncha e’tikof niyyati ila masjidda o‘tkazing. Ayollar ham o‘z uylarida biror joyni ta’yin qilib, e’tikof o‘tira oladilar. Balki, ular ham himmat qilishlari lozim.
- Bandalarga dinni yetkazish va ularga haqni yetkazishga imkon qadar harakat qiling.
- Nazarni saqlang va nomahramlar ila zaruratsiz gaplashishdan juda qattiq saqlaning.
- Shovqin-suron, baqir-chaqir va ahli-ayolga, shuningdek, qo‘l ostidagilarga zulm va haddan oshishlikdan o‘zingizni saqlang.
“Ahkaame Ramazan”- kitobidan. Mavlono Muhammad Abdulqoviy. 11-bet. Abdulqayyum Komil tarjimasi
Qoraqalpog‘istonda imomlar o‘rtasida stol tennisi turniri bo‘lib o‘tdi
O‘zbekiston musulmonlari idorasi tashabbusi bilan Qoraqalpog‘iston Respublikasida faoliyat yuritayotgan masjid imom-xatiblari va imom-noiblari o‘rtasida Vatanimiz mustaqilligining 35 yillik bayrami munosabati bilan sportning stol tennisi bo‘yicha musobaqa tashkil etildi.
Nukus olimpiya va paralimpiya sport turlariga tayyorlash markazida bo‘lib o‘tgan musobaqa yakuniga ko‘ra:
-
1-o‘rin: I.Ametniyazov (Taxtako‘pir tumani «Abdulkarim oxun» jome masjidi imom-xatibi);
-
2-o‘rin: R.Komiljonov (To‘rtko‘l tumani «G‘oib ota» masjidi imom-noibi);
-
3-o‘rin: O.Mashalov (Beruniy tumani «Sulton uvos bobo» jome masjidi imom-noibi).
Musobaqa so‘ngida Qoraqalpog‘iston Respublikasi Vazirlar Kengashi raisi o‘rinbosari A.Allaniyazov, Qoraqalpog‘iston musulmonlari qozisi B.Razov va Nukus «Muhammad ibn Ahmad al-Beruniy» o‘rta maxsus islom bilim yurti direktori J.Abdirazzaqovlar ishtirokchilarni g‘alaba bilan tabriklab, kelgusi faoliyatlarida muvaffaqiyatlar tilashdi.
G‘oliblarga «Vaqf» xayriya jamoat fondi Qoraqalpog‘iston filiali tomonidan esdalik sovg‘alari topshirildi.
O‘zbekiston musulmonlari idorasi
Qoraqalpog‘iston musulmonlari qoziyoti
Matbuot xizmati
