O‘zbekiston Respublikasi Davlat mustaqilligining 35 yilligi munosabati bilan diniy soha xodimlari o‘rtasida ommaviy sport musobaqalarining tuman va shahar bosqichlariga start berildi.

Musobaqalar Prezidentimiz tomonidan ilgari surilgan «Yagona Vatan, yagona xalq bo‘lib, yangi hayot va yangi kelajakni birga quramiz!» bosh g‘oyasi ostida tashkil etilmoqda. Ushbu tashabbus soha xodimlari o‘rtasida sog‘lom turmush tarzini targ‘ib qilish, jismoniy faollikni oshirish hamda jamoaviy hamjihatlikni mustahkamlashga qaratilgan.

Sport tadbirlari dasturidan futbol, voleybol, stol tennisi, shaxmat va shashka kabi sport turlari o‘rin olgan.

Ilk saralash bahslari 23 iyul kuni tuman (shahar) bosqichlari bilan boshlandi. Unda viloyatdagi masjidlar imom-xatiblari, noiblar va vakillik xodimlari faol ishtirok etmoqda.

Hududiy bosqichlarda zafar quchgan ishtirokchilar va jamoalar Mustaqillik bayrami arafasida o‘tkaziladigan viloyat final bosqichida g‘oliblik uchun kuch sinashadi. 

O‘zbekiston musulmonlari idorasi
Matbuot xizmati