Sayt test holatida ishlamoqda!
03 Iyun, 2025   |   7 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:09
Quyosh
04:51
Peshin
12:26
Asr
17:34
Shom
19:54
Xufton
21:30
Bismillah
03 Iyun, 2025, 7 Zulhijja, 1446
Avvalgi sayt
#search
 YouTube

O'zbekistondagi Islom tsivilizatsiyasi markazi mutaxassislari Malayziyada malaka oshirdi

20.07.2023   1245   2 min.
O'zbekistondagi Islom tsivilizatsiyasi markazi mutaxassislari Malayziyada malaka oshirdi

Joriy yilning 10-15 iyul' kunlari mamlakatimiz elchixonasi ko'magida O'zbekiston Islom tsivilizatsiyasi markazining muzey va eksponatlar ilmiy bo'limi mutaxassislari ishtirokida Malayziya Islom san'ati muzeyida ilmiy-amaliy va uslubiy trening tashkil etildi, deb xabar bermoqda «Dunyo» AA muxbiri.

Mazkur treningni o'tkazish joriy yil fevral'-mart oylarida O'zbekistondagi Islom tsivilizatsiyasi markazi direktori o'rinbosari Firdavs Halimov boshchiligidagi delegatsiyaning Malayziyaga safari davomida kelishilgan edi.

Treningni tashkil etishdan maqsad O'zbekistondagi Islom tsivilizatsiyasi markazi mutaxassislarining muzey boshqaruvi, doimiy va vaqtinchalik ko'rgazmalarni tashkil etish, tarixiy hujjat, qo'lyozma va toshbosma asarlar hamda eksponatlarni konservatsiya-restavratsiya qilish yo'nalishlarida malakaviy bilimlarini mustahkamlash, shuningdek, xalqaro tajriba almashishdan iborat.

O'quv dasturi davomida muzey boshqaruvining zamonaviy xalqaro standartlari, doimiy va vaqtincha ekspozitsiyalarni shakllantirish, muzey faoliyatida ta'lim dasturlarini joriy qilish va rejalashtirish, ushbu dasturlarni maktabgacha va maktab yoshidagi bolalar hamda oliy ta'lim muassasalari talabalari uchun tabaqalashtirish, muzey faoliyatida marketing va muzey imijini shakllantirish instrumentlari, muzey faoliyatining xavfsizligini ta'minlash kabi mavzularga bag'ishlangan mashg'ulotlar o'tkazildi.

Treningda muzey bosh kuratori Heba Nael' Barakat, muzey fondi va ko'rgazmalar menejeri Rekxa Verma, ta'lim, marketing, konservatsiya bo'limlari ekspertlari ma'ruzachi sifatida ishtirok etdilar. O'quvlar yakunida ishtirokchilarga maxsus sertifikatlar topshirildi.
Malayziya Islom san'ati muzeyi 1998 yilda tashkil etilgan. Muzey Janubi-Sharqiy Osiyodagi Islom tsivilizatsiyasi tarixi va san'atiga bag'ishlangan eng yirik muzey bo'lib, maydoni 30 mingkv.m.ga teng. Muzey kollektsiyasidan butun islom olamining madaniyati va san'atini aks ettiruvchi muhim eksponatlar o'rin olgan. Eng nodir eksponatlardan biri- bu O'zbekistonga tegishli bo'lgan VIII asrga oid so'g'd ipak libosidir.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar

“Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi

26.05.2025   7858   1 min.
“Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi

Bugun, 26 may kuni O‘zbekiston xalqaro islomshunoslik akademiyasida "Islom – salomatlik targ‘ibotchisi" mavzusida respublika ilmiy-amaliy anjumani ham bo‘lib o‘tdi. 


Tadbirda Oliy ta’lim, fan va innovatsiyalar vaziri Kongratbay Sharipov, Din ishlari bo‘yicha qo‘mita raisining birinchi o‘rinbosari Davronbek Maxsudov, O‘zbekiston musulmonlari idorasi raisi o‘rinbosari Muhammadolim Muhammadsiddiqov, Sport vaziri o‘rinbosari Shahrullo Mahmudov, Respublika xalq tabobati ilmiy-amaliy markazi direktori Jamshid Mirrahimov, O‘zbekiston xalqaro islomshunoslik akademiyasi rektori Muzaffar Kamilov, shuningdek, yosh olimlar, doktorant va magistrlar, yurtimiz va xorijlik professor-o‘qituvchilari va soha mutaxassislari qatnashdi. 


Mazkur anjumanda islom dinining inson salomatligini muhofaza qilish, sog‘lom turmush tarzini shakllantirish, jismoniy tarbiya va sportni rag‘batlantirish hamda jamiyatda tinchlik va totuvlikni ta’minlashga qaratilgan ma’naviy-axloqiy tamoyillari bilan bog‘liq masalalar muhokama qilindi.


Shuningdek, "Islomda sog‘lom turmush tarzi", "Ibn Sinoning to‘g‘ri ovqatlanish va tanani sog‘lom saqlashga oid tavsiyalari", "Farzand kamolotida jismoniy tarbiyaning o‘rni", "Yosh avlodni sog‘lom e’tiqod va vatanparvarlik ruhida tarbiyalashda moturidiylik ta’limotining ahamiyati" va boshqa mavzularda ma’ruzalar tinglandi.


Ushbu anjuman natijasida islomda sport, to‘g‘ri ovqatlanish va sog‘lom turmush tarzi bilan bog‘liq masalalar haqidagi tadqiqotlar takomillashishi barobarida salomatlikka oid diniy-axloqiy qarashlar, ilmiy mulohazalar va tavsiyalar ishlab chiqiladi. Bu esa jamiyatda ijtimoiy barqarorlikni ta’minlashga xizmat qiladi. 


O‘zbekiston musulmonlari idorasi
Matbuot xizmati

“Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi “Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi “Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi “Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi “Islom – salomatlik targ‘ibotchisi” mavzusidagi anjuman qizg‘in muhokamalarga boy bo‘ldi