Jizzax viloyati Zomin tumani “Ma’rifatli” jome masjidida davom etayotgan Qur’on musobaqasining viloyat bosqichi eng qizg‘in pallaga kirib bormoqda. Ulug‘ allomalar yurti bo‘lgan Jizzax zaminining eng kuchli, xushsavt va bulbul qorilarining Respublika bosqichiga chiqish uchun sa’y-harakatlari juda shiddat bilan ketmoqda.
Barcha ularning Qur’on tilovatlarini jon qulog‘i bilan eshitmoqda. Zero, Qur’on o‘qilganda, mo‘min-musulmon banda butun vujudi bilan Kalomullohga some bo‘ladi. Chunki Alloh taolo bizni Qur’onni diqqat-e’tibor bilan tinglashga buyurgan: “Qur’on o‘qilganda uni tinglangiz va sukut saqlangiz! Shoyad (shunda) rahm qilingaysiz!” (A’rof, 204).
Qur’on o‘qish yoki eshitish uchun xayolni bir yerga jamlanadi. Zero, Qur’on ojiz bandaning oddiy so‘zi emas, Buyuk Allohning mo‘jizaviy Kalomidir.
Qorilarning Respublika bosqichiga chiqish uchun harakatlarini jonli tarzda kuzatishda davom eting.

O‘zbekiston musulmonlari idorasi Matbuot xizmati