Sayt test holatida ishlamoqda!
21 Iyul, 2025   |   26 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:30
Quyosh
05:08
Peshin
12:34
Asr
17:38
Shom
19:55
Xufton
21:25
Bismillah
21 Iyul, 2025, 26 Muharram, 1447
Avvalgi sayt
#search
 YouTube

Qalbni poklashga shoshiling!

07.02.2018   4402   1 min.
Qalbni poklashga shoshiling!

Qalbni poklashda biz uchun asosiy manba Qur’oni karimdir. Qur’on qalbimizga aniq tashxis qo‘yadi, qalbni illatlardan xalos etadi, asl fitratiga mos holda yashashga undaydi. Qur’on eshitgan odamning dili orom oladi. Qur’on tilovati orqali dildagi shubha-gumonlar ariydi.
Ma’lum bo‘lishicha, Qur’on o‘qish va eshitish turli yomon o‘y-xayollarni miyadan chiqarib tashlaydi, xotira pasayishining oldini oladi, insonni mushohada yuritishga o‘rgatadi, fikrini tiniqlashtiradi, aql-zakovatni o‘stiradi. Bu mo‘jizaviy Kalom e’tiqodimizni to‘g‘rilaydi, qalbimizni nurga to‘ldiradi, dilimizni ravshan qiladi, tasavvurimizni boyitadi, dunyoqarashimizni kengaytiradi.
Mana shunday Qur’oni karimning beqiyos sifatlarini yuragidan his etgan mo‘min-musulmonlarimiz shu kunlarda qorilar musobaqasi qayerda bo‘lsa, o‘sha yerda hozir bo‘lishga intilishmoqda. Hech bo‘lmasa saytlar va ijtimoiy tarmoqlar orqali Allohning kalomi qiroatidan bahramand bo‘lishmoqda.
Bugun Farg‘ona viloyatining Oltiariq tumanida davom etayotgan qorilar musobaqasiga ham qalblarini ilohiy fayzga limmo-lim qilishni istagan kishilarimiz erta tongdan jamul-jam bo‘lib, jon quloqlari bilan xushxon hofizi Kalomullohning tilovatlarini tinglashmoqda. Siz ham farishtalar jam bo‘ladigan Qur’on majlisiga qo‘shiling.

O‘zbekiston musulmonlari idorasi Matbuot xizmati

Fotolavhalar
Boshqa maqolalar
Yangiliklar

Shahrisabzning Butunjahon merosi ro‘yxatidagi maqomini saqlab qolish bo‘yicha ijobiy qaror qabul qilindi

21.07.2025   99   1 min.
Shahrisabzning Butunjahon merosi ro‘yxatidagi maqomini saqlab qolish bo‘yicha ijobiy qaror qabul qilindi

Parij shahrida YUNЕSKO Butunjahon merosi qo‘mitasining 47 sessiyasi o‘tkazildi. Sessiya yig‘ilishida Shahrisabz shahrining Butunjahon merosi ro‘yxatidagi maqomini saqlab qolish bo‘yicha ijobiy qaror qabul qilindi.


Madaniyat va san’atni rivojlantirish jamg‘armasi axborot xizmati O‘zAga ma’lum qilishicha, qo‘mita O‘zbekistonning ushbu obyektni asrash bo‘yicha sa’y harakatlarini yuqori baholab, YUNЕSKO Butunjahon merosi markazi hamda IKOMOS (Yodgorliklar va diqqatga sazovor maskanlarni asrash bo‘yicha xalqaro kengash)  bilan samarali hamkorlik muhimligini alohida qayd etdi.


Kelgusi bosqich sifatida O‘zbekistonga takroriy nominatsiyani tayyorlash uchun uch yil muddat berildi. Unda Shahrisabzning siyosiy, madaniy va diniy markaz sifatidagi betakror tarixiy rolini aks ettiruvchi temuriylar davri me’moriy merosiga alohida urg‘u qaratiladi.


Shaharning tarixiy qismi bufer hudud sifatida belgilanishi rejalashtirilgan, bu uning madaniy qiymatini yanada samarali asrash imkonini beradi. Mazkur qaror xalqaro hamkorlik doirasida olib borilgan tizimli va ochiq muloqotlar natijasi bo‘ldi.


Anjumanda O‘zbekiston Madaniyat va san’atni rivojlantirish jamg‘armasi raisi Gayane Umerova boshchiligidagi delegatsiya ishtirok etib, YUNЕSKO, IKOMOS va barcha xalqaro hamkorlarga bildirilgan ishonch va ko‘rsatilgan qo‘llab-quvvatlov uchun minnatdorlik bildirgan. 


Behruz XUDOYBЕRDIYEV,

O‘zA

O'zbekiston yangiliklari
#logo