Avvali katta shodu hurramlik bilan boshlangan Namangandagi qorilar musobaqasi yakuni ham o‘ziga xos bayram kayfiyati, kutilmagan tuhfalar va voqealarga boy bo‘ldi. Ayniqsa, yuz yoshga qarab ketayotgan, din xizmatiga umrini baxshida etgan qori dadalar musobaqada g‘olib bo‘lgan qori yigitlarga sovg‘alarni topshirishi musobaqa fayzini yanada ko‘tarib yubordi.
Shu o‘rinda qori dadalarga shogird bo‘lgan qori yigitlar qalbidan bir otashqalb shoirning quyidagi satrlari o‘tgan bo‘lsa, ajab emas...
Islomda oqargan sochlarga boqib,
Bir mo‘min umrini ko‘ryapmiz ustoz.
Goho shiddat ila, goho qoqilib,
Biz ham ortingizdan borayapmiz ustoz!

O‘zbekiston musulmonlari idorasi Matbuot xizmati