Marokashdagi “Hasan” jome masjidi dunyo bo‘yicha kattaligi jihatidan yettinchi o‘rinda turadi. Atlantika okeani sathidan ikki yuz metr balandlikda barpo etilgan ushbu masjidga bir paytning o‘zida yuz mingdan ortiq namozxon sig‘adi. Ushbu masjid qurilishi mamlakatning o‘sha paytdagi qiroli Hasan II ning buyrug‘i bilan 1986 yilda boshlanib, 1989 yili bitkazilgan. Biroq masjid 1993 yilnig 30 avgust kunidan rasman faoliyat yurita boshladi. Masjid loyihasini fransiyalik muhandis Mishel Pinso ishlagan.

Hashar yo‘li bilan qurilgan “Hasan” jome masjidida 6000 dan ortiq usta hamda 10000 dan ziyod bezak ishlari mutaxassisi mehnat qilgan. Qurilishda Marokashda ishlab chiqilgan xomashyolar ishlatilgan. Faqatgina oq granit ustunlar va 50 tonnalik shisha qandillar Italiyadan keltirilgan.

Masjidning minorasi 210 metr bo‘lib, dunyoda eng baland hisoblanadi. Masjid yonida madrasa, kutubxona hamda muzey mavjud.

Davron NURMUHAMMAD

O‘MI Matbuot xizmati