Sayt test holatida ishlamoqda!
22 Iyul, 2025   |   27 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:31
Quyosh
05:09
Peshin
12:35
Asr
17:37
Shom
19:54
Xufton
21:24
Bismillah
22 Iyul, 2025, 27 Muharram, 1447
Avvalgi sayt
#search
 YouTube

Martabali mehmonlarning "Hazrati Imom"ga tashrifi

22.11.2017   613   2 min.
Martabali mehmonlarning

2017 yil 22 noyabr kuni Amerika Qo‘shma Shtatlari Kongressi vakillari palatasi rahbari T.Kelli boshchiligidagi delegatsiya O‘zbekiston Respublikasi Senati Xalqaro aloqalar bo‘yicha qo‘mita raisi Alisher Kurbanov hamrohligida “Hazrati Imom” majmuasiga tashrif buyurdi. Mehmonlarni O‘zbekiston musulmonlari idorasi Xalqaro aloqalar bo‘limi mudiri M-A.Shokirov va A.Sattorov kutib oldi.


Mehmonlarga O‘zbekiston Respublikasining mustaqillikka erishganidan so‘ng milliy va diniy qadriyatlarini tiklashga katta e’tibor qaratayotgani hamda bu borada olib borilayotgan ishlar, xususan muhtasham “Hazrati Imom” majmuasining O‘zbekistonning Birinchi Prezidenti I.Karimovning bevosita tashabbuslari bilan tez muddatda barpo etilgani, majmua tarkibidagi qadimiy yodgorlik obidalari tarixi va “Hazrati Imom” jome masjidining o‘zbek ustalari tomonidan mohirona qurilgani, shuningdek “Hazrati Imom” majmuasining Toshkentda yashab o‘tgan ulug‘ alloma, faqih Abu Bakr Qaffol Shoshiy nomi bilan bog‘liq ekani va bu allomaning hayoti, shuningdek, hozirgi kunda mazkur majmuani hozirgidek saqlashda va kelgusida kelajak avlodga yetkazishda O‘zbekistonning hozirgi Prezidenti Sh.Mirziyoyevning olib borayotgan ishlari haqida so‘zlab berildi. Majmuada olib borilgan bunday me’moriy ishlar mehmonlarda katta taassurot qoldirdi.


So‘ngra, mehmonlar “Mo‘yi muborak” madrasa muzeyida saqlanayotgan “Usmon Qur’oni”ni ziyorat qildi. U yerda ularga “Usmon Qur’oni”, uning O‘zbekiston Respublikasiga keltirilishi, unga 2000 yilda xalqaro UNESCO (Yunesko) tashkiloti tomonidan haqiqiyligini tasdiqlovchi maxsus sertifikat berilgani, “Mo‘yi muborak” madrasa muzeyidagi bir qancha nodir qo‘lyozmalar tarixi, shuningdek “Usmon Qur’oni” ning dunyoda yagona nusxa sifatida yurtimizda hanuzga qadar asrab-avaylab kelinayotgani hamda kutubxonada “Qur’oni karim” ma’nolarining turli tillardagi tarjimasi mavjudligi haqida so‘zlab berildi.


O‘zbekiston musulmonlari idorasi kutubxona muzeyi tashrifidan so‘ng, delegatsiya “Baroqxon” madrasasida joylashgan hunarmandlar rastalari bilan tanishib, o‘zbekistonlik ustalar tomonidan yasalgan hunarmandchilik ishlarini tomosha qildi. Tashrif samimiy ruhda o‘tib, berilgan ma’lumotlar uchun martabali mehmon minnatdorchilik izhor qildi.

{gallery}/tadbir2211{/gallery}

 

O‘zbekiston musulmonlari idorasi

matbuot xizmati

Fotolavhalar
Boshqa maqolalar

Shayx Alijon qorining singlisi vafoti munosabati bilan ta’ziya

21.07.2025   4886   2 min.
Shayx Alijon qorining singlisi vafoti munosabati bilan ta’ziya

"AlQuran.uz" portali rahbari, O‘zbekiston musulmonlari idorasi "Qur’on va tajvidni o‘rgatish" bo‘limi boshlig‘i Ustoz Shayx Alijon qori Fayzulloh Maxdumning singlisi, "AlQuran.uz" portali xodimi Abdulloh qori Fayzulloh Maxdumning opasi, shuningdek, "AlQuran.uz" ilmiy xodimi Abdusamad qorining zavjalari vafoti munosabati bilan marhumaning yaqinlariga ta’ziya bildiramiz.

Marhuma al-Azhar universiteti talabasi bo‘lib, Osim qiroatining  Hafs va Shu’ba rivoyatlari hamda "al-Muqaddima al-jazariyya", "Tuhfatul-atfol" va "al-Arba’iyn an-nabaviyya" kabi ko‘plab asarlar bo‘yicha ijoza sohibasi sifatida 20 yildan beri Qur’onga xizmat qilib kelayotgan edi. Xususan, Qur’on ta’limi yo‘lida samarali mehnat qilib, ko‘plab shogirdlarni yetishtirdi.

Shuningdek, "AlQuran" mobil ilovasidagi "Al-Fatiha online" dasturining uztozalaridan bo‘lib, ko‘plab ayollarning qiroatini to‘g‘rilashga o‘z hissasini qo‘shganini alohida e’tirof etish lozim.

Turmush o‘rtog‘i Abdusamad qori bilan birga uch nafar qiz farzandni tarbiyalab, barchalarini hofizi Qur’on qilib yetishtirdi.

Uzoq vaqt og‘ir dard bilan kurashganiga qaramay, Qur’on xizmatida bardavom bo‘ldi. Bemorlik mashaqqatlariga sabr qilib, Allohdan savob umidida ilm tarqatishdan to‘xtamadi. Shubhasiz, bu go‘zal xotima, ya’ni shahidlikning bir belgisi. Zero, hadisi sharifda bunday deyilgan: "Kim bemor holatda vafot etsa, shahid holda vafot etadi, qabr fitnasidan saqlanadi va ertayu kech jannatdan rizqi kelib turadi" (Ibn Moja rahimhulloh rivoyati).

"Muslim.uz" portali marhumaning akasi Ustoz Shayx Alijon qori Fayzulloh Maxdum va ukasi Abdulloh qori Fayzulloh Maxdumga, shuningdek, turmush o‘rtog‘i Abdusamad qori va barcha oila a’zolariga hamdardlik bildiradi.

Alloh taolo marhumaning Qur’on yo‘lida qilgan xizmatlarini qabul aylab, Barzax hayotida va oxiratda Qur’oni karim shafoati bilan mukofotlasin! Qur’on bilan jannatdagi darajalarini yuksak qilsin! Bemorlikda chekkan mashaqqatlari jannatdagi martabasining baland bo‘lishiga sababchi bo‘lsin!

Janoza marosimi ertaga seshanba 22 iyul kuni asr namozida, soat 17:45 da Ustoz Shayx Alijon qorining Jizzax viloyati G‘allaorol tumani Boylarovul qishlog‘idagi xonadonida bo‘lib o‘tadi.

Alloh taolo musibat ahliga sabri jamil ato qilsin! Qazo va qadarga rozi bo‘lishlarida Allohning o‘zi madadkor bo‘lsin!

Marhumaga quyidagi hadisda zikr qilingan ulug‘ darajalarni tilaymiz: "Qur’on sohibiga o‘qi va ko‘taril va  dunyoda tartil qilganing kabi tartil qil. Albatta, sening manziling oxirgi o‘qigan oyatingdadir", deyiladi" (Abu Dovud, Termiziy va Nasoiy rahimahulloh rivoyati).