|
Bo‘lim mudiri |
Islomiddin Zuhriddinov |
|
Qabul vaqtlari |
Dushanbadan Jumagacha, 09-00 dan 17-00 gacha |
|
Telefon raqami |
+99871 150-64-17 |
|
Elektron pochta |
|
|
Bo‘lim faoliyatidan lavha |
Idora, bo‘limlar, masjidlar, ziyoratgohlar va boshqa tizimdagi muassasalarda rahbariyat ko‘rsatmasi asosida nazorat-taftish o‘tkazadi; reja asosida viloyatlarga xizmat safariga chiqib, masjidlarning moliyaviy faoliyatini o‘rganadi; yil davomida har chorakda shahar va viloyat bosh imom-xatiblarining moliyaviy ishlari bo‘yicha yordamchilari (muhtasib) bilan majlis o‘tkazadi; belgilangan to‘lovlarni o‘z vaqtida to‘lamagan yoki to‘lay olmagan masjidlarning ahvolini o‘rganadi; vakillik va viloyatlar masjidlari xodimlarining oylik maoshi, daromad solig‘i, kommunal to‘lovlar va turli majburiy to‘lovlarni o‘z vaqtida to‘lanib borishini ta’minlaydi; idora tasarrufidagi yordamchi xo‘jaliklar faoliyatini nazorat qiladi; Imom Buxoriy, Imom Termiziy xalqaro markazlari va vakilliklarning yillik harajatlar smetasini tayyorlashda ularga yaqindan yordam beradi hamda ularning moliyaviy faoliyatini nazorat qiladi; har chorakda idora tasarrufidagi barcha masjidlarning moliyaviy hisobotlarini qabul qiladi; idoradan moddiy yordam so‘rab murojaat etgan masjid va bilim yurtlar moliyaviy ahvolini o‘rganib chiqib, idora rahbariyatiga taqdim etadi; masjid va ziyoratgohlar tomonidan amalga oshirilgan xayriya ishlarining ma’lumotini olib boradi; Bo‘limda Oybek Xushvaqov – Muhtasiblik bo‘limi bosh mutaxassisi; Baxtiyor Abdullayev – Muhtasiblik bo‘limi yetakchi mutaxassisi lavozimlarida faoliyat olib borishadi.
|
#xabar #muftiy #juma
Bugun, 16 yanvar kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari juma namozini poytaxtimizning Chilonzor tumanidagi "Abu Saxiy" jome masjidida ado etdilar.
Muftiy hazratlari namozdan oldin jamoatga “Isro va me’roj voqeasi hikmatlari” mavzusida ma’ruza qilib berdilar.
Islom tarixidan ma’lumki, payg‘ambarlikning o‘ninchi yilida Alloh taolo Payg‘ambarimiz Muhammad sollallohu alayhi vasallamni bir kechada Makkadagi Masjidul Haromdan Quddusdagi Masjidul Aqsoga sayr qildirib, u yerdan osmonlarga ko‘tardi. Bu haqda Isro surasining 1-oyatida bunday xabar berilgan: “O‘z bandasi (Muhammad)ni bir kechada Masjidul Haromdan atrofini barakotli qilganimiz Masjidul Aqsoga olib borgan Zot (Alloh) barcha nuqsonlardan pokdir. Biz unga oyatlarimizdan (mo‘jizalarimizni) ko‘rsatish uchun (shu ishni qildik). Albatta, U eshituvchi va ko‘ruvchidir”.
Ma’ruzada aytilganidek, Payg‘ambarimiz sollallohu alayhi vasallam osmonlarga jismlari bilan ko‘tarilganlar. Har osmonda payg‘ambarlar va ko‘plab farishtalar bilan ko‘rishganlar. U zotga jannat va jahannam ahlining holi qanday bo‘lishi ko‘rsatilgan. Sidratul-muntaho – yaratilgan mavjudotlar ilmi va harakati tugaydigan joyga yetib, Allohning g‘ayb olamida ko‘pgina ajoyibotlarni ko‘rganlar. O‘shanda ba’zi oyatlar nozil bo‘lgan, besh vaqt namoz farz qilingan.
Muftiy hazratlari ushbu buyuk mo‘jizadan olishimiz zarur bo‘lgan ayrim hikmatlarga to‘xtalib o‘tdilar. Jumladan, Allohning qudrati mutlaqo cheksizligi, Payg‘ambar alayhissalomning maqomlari naqadar ulug‘ligi, namoz – eng oliy maqomda amr qilingan ulug‘ ibodat ekani, imon – g‘oyibga ishonish ekani kabilarni oyat va hadislar bilan sharhlab berdilar.
Manfaatli suhbat so‘ngida Alloh taolo barchamizni ushbu buyuk mo‘jizadan munosib ibrat olib, imon-e’tiqodda sobitqadam, hayot sinovlarida sabrli, O‘zidan umidini uzmaydigan bandalaridan qilishini so‘rab duo qilindi.
O‘zbekiston musulmonlari idorasi
Matbuot xizmati