Bugun, 8 noyabr kuni Toshkent shahrida tashkil etilgan “Yil imomi-2017” ko‘rik tanlovi g‘olibi aniqlandi.
Unga ko‘ra, Toshkent shahar Shayxontohur tumani “Oqilon” jome masjidi imom-xatibi Isomiddin Ahrorov birinchi o‘rinni qo‘lga kiritdi.
G‘olibga O‘zbekiston musulmonlari idorasining birinchi darajali diplomi va noutbuk kompyuteri topshirildi.
Toshkent viloyati Qibray tumani “Sa’dulla ota” jome masjidi imom-xatibi Obidjon Mirhamidov ikkinchi o‘rinni qo‘lga kiritdi, unga O‘zbekiston musulmonlari idorasining ikkinchi darajali diplomi va LCD Televizor taqdim etildi.
Navoiy viloyati Nurota tumani “Chil Ustun” jome masjidi imom-xatibi Jamoliddin Mubinov uchinchi o‘rinni qo‘lga kiritdi. O‘zbekiston musulmonlari idorasining uchinchi darajali diplomi va kichik isitgich pech berildi.
G‘oliblar va ishtirokchilarga ko‘rik tanlov homiylari bo‘lgan O‘zbekiston musulmonlari idorasi, Muqaddas qadamjolarni saqlash va obod etish xayriya jamg‘armasi, “Movarounnahr” nashriyoti va Toshkent shahridagi “Qo‘yliq ota” jome masjidi tomonidan qimmatbaho sovg‘alar topshirildi.

{gallery}//yil-imomi{/gallery}
O‘zbekiston musulmonlari idorasi
matbuot xizmati
Bugun, 11 noyabr kuni Andijon viloyatida faoliyat ko‘rsatayotgan shahar-tuman bosh imom-xatiblari ishtirokida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining "Ey bandalarim…" Bir qudsiy hadis sharhi nomli kitoblari taqdimoti o‘tkazildi.
Kitob taqdimotida viloyat bosh imom-xatibi Mirzamaqsud domla Alimov tomonidan ushbu kitob ayni damda juda dolzarb ekanligi, bu kitobdagi mavzular dinimizning asoslari, hukmlar, odoblari haqida hadislardan olinadigan hikmat va foydalar haqida keng ma’lumotlar berilganligini ta’kidlab o‘tildi.
O‘zbekiston musulmonlari idorasi Andijon viloyati vakilligi Matbuot xizmati