Arafa kuni quyosh botgach, shom namozini o‘qimasdan, Muzdalifaga jo‘naladi. Yetib kelib, bu yerda shom va xufton namozi bir azon va bir iqomat bilan jam qilib o‘qiladi. Kim shomni yo‘lda o‘qigan bo‘lsa, qaytarib o‘qiydi. Muzdalifada iyd kuni bomdodddan to quyosh chiqquncha turish vojib. Muzdalifada uning o‘z chegarasida turishga e’tibor berish kerak. Bu yerda duo tasbeh, takbir aytib turishga e’tibor berish kerak. Ayollar, yosh bolalar, qarilar qiynalishdan qo‘rqsalar Muzdalifada to‘xtamay Minoga o‘tib ketishi kerak. Boshqalar quyosh chiqqandan so‘ng Minodan jo‘nashadi.
Toshkent islom institutida «Aprel — O‘zbek va xorijiy tillar fan oyligi» doirasida Imom Buxoriy nomidagi Toshkent islom instituti hamda «Ko‘kaldosh» o‘rta maxsus islom bilim yurti talabalari o‘rtasida do‘stona intellektual bellashuv bo‘lib o‘tdi.
Ta’lim muassasalari o‘rtasidagi ilmiy-ma’rifiy hamkorlikni mustahkamlash maqsadida tashkil etilgan mazkur musobaqa o‘zbek, rus va ingliz tillarida, jami 7 ta murakkab bosqichda o‘tkazildi.
Intellektual duel davomida talabalar nafaqat o‘zlarining til bilish salohiyati va grammatik mahoratlarini, balki mantiqiy fikrlash hamda tezkor qaror qabul qilish qobiliyatlarini ham namoyon etdi. T
Tadbirda ishtirok etgan soha mutaxassislari va ta’lim muassasalari rahbariyati ta’kidlaganidek, bu kabi ilmiy bellashuvlar bo‘lajak mutaxassislarning ham intellektual, ham ma’naviy rivojlanishida muhim poydevor bo‘lib xizmat qiladi.
Oliymahad.uz