Minoga kelgach tosh otish boshlanadi. Hayitning 1 – kuni yetti dona tosh otiladi. Toshni Muzdalifadan yo xohlagan boshqa joydan terib olsa bo‘ladi. Tosh hajmi no‘xatdek bo‘ladi. Tosh oldin otilgan bo‘lmasligi kerak. Tosh otish Ibrohim (a.s) dan qolgan bo‘lib, u zot o‘g‘lini qurbonlikka so‘yishga olib ketayotganlarida shayton ig‘vo qilmoqchi bo‘lganda, Ibrohim a.s. uni tosh otib quvgan.
Hayitning 1 – kuni Jamratul aqobada tosh otiladi. U jamratul kubro, jamratul uxro deb ham ataladi. Tosh aqobadan besh gaz uzoqlikdan turib, barmoqlarning uchi bilan otiladi. Har bir tosh “Allohu akbar” deb otiladi. Tosh agar maxsus joyga tushmasa, qayta otish vojib bo‘ladi. Birinchi toshni otgan zahoti “talbiya”ni to‘xtatadi. Tosh otish vaqti subhi sodiqdan, keyingi kunning subhigachadir. Tosh otgan zahoti u yerdan ketish kerak bo‘ladi. Keyingi kun subhigacha otilmasa, jonliq so‘yish vojib bo‘ladi. Kechasi otish makruh. Ammo ayollar, qarilar, kasallar kechasi otgani afzal. Tosh otayotgan joy 2 qavatli bo‘lib, qaysidan otsa ham bo‘laveradi.
Uzrli kishilarni toshini boshqa otsa ham bo‘ladi, faqat avval o‘zinikini otishi shart. Tosh otilgach, ifrod hajni niyat qilgan kishi soch oldiradi. Lekin u agar qurbonlik qilmoqchi bo‘lsa, avval qurbonlik qilib keyin sochini oldiradi. Qiron, Tamattu’dagilar shunday qilishi shart. Endi ehromda man qilingan ishlarning ayollardan boshqasi halol bo‘ladi.
«Halol!» Kurashda raqibining yelkasini g‘irromsiz yerga tekkizish "halol" deyiladi.
"Halol" – bellashayotgan mardning ori, nomusi, g‘ururi. Hamma polvonlar shu kalomni eshitish orzusida maydonga tushadilar. "Halol" uchun kurashadilar.
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbuslari bilan imom-xatiblar va imom noiblari o‘trasida milliy kurash musobaqasi o‘tkazilyapti.
Bugun, 1 aprel kuni "Sag‘bon" sport majmuasida imom-xatiblar va imom noiblari o‘rtasida o‘tkazilayotgan milliy kurashning Toshkent shahar bosqichi bo‘lib o‘tdi.
Tadbirni Toshkent shahar bosh imom-xatibi o‘rinbosarlari Abdulloh domla Yo‘ldoshev va Ergashali domla Rustamovlar ochib berishdi.
Shuningdek, musobaqaga tashrif buyurgan O‘zbekiston sport kurashlari assotsiatsiyasi Toshkent shahar boshqarmasi mas’ul xodimlari ham musobaqa qatnashchilariga omad va muvaffaqiyatlar tiladilar.
Musobaqada poytaxtimiz tumanlaridan saralab olingan polvonlar gilamga chiqdilar.
"Halol!" degan so‘zni eshitish uchun bellashuvlarda halollikka rioya qilgan irodali, baquvvat, epchil va abjir diniy soha xodimlari g‘alaba qozonishi tayin.
Hakamlar hay’atining xulosalariga ko‘ra, 90 kg vazn toifasida:
I o‘rin – "Usmon ibn Maz’un" masjidi imom-noibi Abdumannon Avloyorovga;
II o‘rin – "Abduqodir hoji ota" masjidi imom-noibi Muhammadyusuf Abdukabirovga;
III o‘rin – "Said Vaqqos ota" masjidi imom-noibi Umarjon Abdumannonovga nasib etdi.
81 kg. vazn toifasida esa:
I o‘rin – "Sobitxon Hoji" masjidi imom-noibi Burhoniddin Allayorovga;
II o‘rin – "Alibek" masjidi imom-noibi Sulaymon Fayzullayevga;
III o‘rin – "Koh ota Buzruk" masjidi imom-noibi Muxtor Abzalovga nasib etdi.
73 kg. vazg toifdasida:
I o‘rin – "Masjidul Xayr" masjidi imom-noibi Abdulbosit Jo‘rayevga;
II o‘rin – "Al-badr" masjidi imom-noibi Jamshid Nazarovga;
III o‘rin – "Abdulhamid hoji" masjidi imom-xatibi Jamoliddin Azimovga nasib etdi.
Shuningdek, musobaqada turli nominatsiyalar bo‘yicha ham sovrindorlar aniqlandi.
G‘olib va sovrindorlarga O‘zbekiston musulmonlari idorasi Toshkent shahar vakilligi hamda homiylarning tashakkurnoma va sovg‘alari topshirildi.
Toshkent shahar vakilligi
Matbuot xizmati