Haj ibodati turlari
Haj ibodati uch turlidir:
- Qiron;
- Tamattu’;
- Ifrod.
- Qiron – lug‘atda jamlash, qo‘shish degan ma’noni anglatadi.
Istilohda esa: Miyqotdan haj va umrani birga ado etish uchun niyat qilib, ehromga kirishdir.
Miyqotda haj va umra uchun baravar ehrom bog‘lash bo‘lib, hoji umra va haj amallarini bajarib bo‘lganidan keyin, qurbonlik kunlari shaytonga tosh otib, qurbonlik qilib, soch oldirgandan keyin ehromdan forig‘ bo‘ladi. So‘ng yana umra qilmoqchi bo‘lsa, umra uchun qayta ehrom bog‘laydi, ya’ni bu umra qironga bog‘liq emas.
- Tamattu’ – lug‘atda foydalanish, huzur qilish degan ma’noni anglatadi.
Istilohda esa: haj qilmoqchi bo‘lgan kishi avval umrani ado etib, ehromdan chiqib, haj vaqtiga qadar ehrom man qilgan narsalardan foydalanish va haj vaqti (Zulhijjaning sakkizinchi kuni) bo‘lganda hajni niyat qilib, ehromga kirish tushuniladi. Ko‘pchilik uchun oson va qulayligini inobatga olib, O‘zbekiston musulmonlari idorasi Ulamolar Kengashi tomonidan yurtimiz hojilari tamattu’ hajini ado etishlari tavsiya qilingan.
- Ifrod lug‘atda – ajratish, yakkalatish ma’nosini anglatadi.
Istilohda esa: faqat hajning o‘zi uchun niyat qilib, ehromga kirish tushuniladi.
G‘oliblar taqdirlandi
Sport – sog‘lom turmush kafolati. Sport bilan shug‘ullangan kishining tani sihat, o‘zi esa xotirjam bo‘ladi.
O‘zbekiston Respublikasi mustaqilligining 35 yilligi arafasida Toshkent viloyati masjidlarida faoliyat yuritayotgan imom-xatiblar va imom noiblari o‘rtasida stol tennisi musobaqasi bo‘lib o‘tdi.
1-o‘rin: Bo‘stonliq tumani «Toli buva» jome masjidi imom noibi Abufayz domla Husanboyevga;
2-o‘rin: Bekobod tumani «Ulug‘bek» masjidi imom-xatibi Abdulloh domla Dehqonboyevga;
3-o‘rin: Ohangaron tumani «Islom nuri» jome masjidi imom noibi Abdulloh domla Eshboyevga nasib etdi.
G‘oliblarga esdalik sovg‘alari topshirildi.
Fursatdan foydalanib, barcha g‘oliblarni qutlaymiz.
Toshkent viloyati vakilligi
Matbuot xizmati
