Shu yilning 29-30 iyul kunlari Qohira shahrida “Shiddat bilan rivojlanib borayotgan dunyoda fatvo va yuksak axloqni shakllantirish” mavzucidagi xalqaro anjuman bo‘lib o‘tdi. Unda 100 dan ortiq davlatdan kelgan yuqori martabali davlat va jamoat arboblari, yetuk ulamolar, diniy yetakchilar va fatvo idoralari vakillari ishtirok etdi.
Mazkur nufuzli tadbirda Misr muftiysi Shavqiy Ibrohim Allom taklifiga binoan O‘zbekiston musulmonlari idorasi raisining birinchi o‘rinbosari Homidjon domla Ishmatbekov qatnashdi.
Xalqaro anjumanda din ulamolari tomonidan chiqarilgan fatvolar kishilar va jamiyatlarni to‘g‘ri yo‘lga yo‘naltirish va yuksak axloqni shakllantirishda muhim o‘rin tutishi, shiddat bilan rivojlanuvchi dunyoda va texnologiyalar taraqqiy etib borayotgan davrda fatvolar yangi chaqiriqlarga moslashishi hamda dinning asosiy tamoyillariga asoslangan bo‘lishiga alohida e’tibor qaratildi.
Ushbu anjumanda turli mamlakatlardan kelgan olim va soha mutaxassislari mavzu yuzasidan o‘z ma’ruzalari bilan qatnashish barobarida o‘zaro fikr-mulohaza almashdilar.
O‘zbekiston musulmonlari idorasi Matbuot xizmati
Saudiya Arabistoni Podshohligi Islom ishlari, da’vat va irshod vazirligi tomonidan 45-xalqaro Qur’on musobaqasi o‘tkazilmoqda.
Mazkur musobaqada O‘zbekiston nomidan Shukurbek qori Shuxratbekov va Dostonbek qori Sodiqov qatnashmoqda.
Ma’lumot o‘rnida Shukurbek Shuxratbekov “Ko‘kaldosh” o‘rta maxsus islom ta’lim muassasasining 3-kurs, Dostonbek Sodiqov “Sayyid Muhiyiddin maxdum” o‘rta maxsus islom bilim yurtining 1-kurs talabasi sanaladi.
Alloh taolo ikki hamyurt qorimizni yuzlarini yorug‘ qilib, muvaffaqiyat va zafar ato etsin!
O‘zbekiston musulmonlari idorasi
Matbuot xizmati