Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448
Maqolalar

Hadya

05.11.2024   12062   1 min.
Hadya

Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi. 
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib. 
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi. 
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
 
Akbarshoh Rasulov tarjimasi

Hadya
Ibratli hikoyalar
Boshqa maqolalar
Yangiliklar

Jizzaxda diniy soxa xodimlari o‘rtasida yig‘ilish bo‘lib o‘tdi

11.11.2026   36896   1 min.
Jizzaxda diniy soxa xodimlari o‘rtasida yig‘ilish bo‘lib o‘tdi

9 noyabr’ kuni Jizzax viloyatida imom-xatiblar, imom-noiblar hamda otinoyilar ishtirokida yig‘ilish bo‘lib o‘tdi. Yig‘ilishni O‘zbekiston musulmonlari idorasining Jizzax viloyatidagi vakili, Ulomolar kengashi a’zosi, viloyat bosh imom-xatibi Mexmonxon domla Jabborov  hamda Jizzax viloyati hokimining din va jamoat ishlari bo‘yicha o‘rinbosari Sahobiddin Boliyev olib bordi.

Xorazm viloyatida bosh imom-xatiblar uchun o‘tkazilgan seminar tajribalarini boshqa hududlardagi imom-xatiblarga yetkazilish jarayoni ma’naviy-ma’rifiy ishlar samaradorligini oshirish hamda ilg‘or ish uslublarini ommalashtirishda katta ahamiyat kasb etadi.

Ushbu seminarlar doirasida asosan quyidagi yo‘nalishlarga e’tibor qaratilgan bo‘lishi mumkin:

  • Ma’rifiy va targ‘ibot ishlarini takomillashtirish: Aholi bilan ishlashda, xususan, yoshlar tarbiyasida zamonaviy va ta’sirchan usullardan foydalanish.
  • Diniy va milliy qadriyatlarni targ‘ib qilish: Joylardagi mahallalarda va jamoatchilik o‘rtasida sog‘lom muhitni mustahkamlash.
  • Imom-xatiblarning kasbiy mahoratini oshirish: Diniy xodimlarning huquqiy bilimlarini boyitish, notiqlik va jamoatchilik bilan muloqot qilish ko‘nikmalarini kuchaytirish.

Yig‘ilish yakunida belgilangan vazifalar ijrosini ta’minlash, ijro intizomini mustahkamlash, murojaatlar bilan ishlashda mas’uliyatni oshirish hamda diniy soha vakillari faoliyati samaradorligini yanada yuksaltirish yuzasidan tegishli vazifalar belgilab olindi.

O‘zbekiston musulmonlari idorasi Jizzax viloyati vakilligi matbuot xizmati

O'zbekiston yangiliklari