#Faollar_taqdirlandi

Shu yil 6 sentyabr kuni O‘zbekiston musulmonlari idorasi "Shamsuddinxon Boboxonov" nashriyot-matbaa ijodiy uyining «Hidoyat» va «Mo‘minalar» jurnallari hamda «Islom nuri» gazetasiga 2025 yil uchun obuna targ‘ibotlarida faol bo‘lgan diniy soha xodimlari munosib taqdirlandi. 
 

Odamlarga ma’rifat ulashish, aholining bilimini oshirish, diniy savodxonligini yanada yuksaltirish har bir imom-xatib. imom noibi, otinoyilar zimmasidagi burchdir. Bu jarayonda davriy nashrlarning alohida o‘rni bor.

Tadbirda mazkur nashrlarga 2026 yil uchun obunani uyushqoqlik bilan tashkil etish, har bir xonadonga ziyo kirib borishiga hissa qo‘shish masalalari muhokama qilindi.

Tadbir so‘ngida esa faol imom-xatiblar «Shamsuddinxon Boboxonov» nashriyot-matbaa ijodiy uyining esdalik sovg‘alari va tashakkurnomalari bilan taqdirlandi.

Yig‘ilish xayrli duolar bilan yakunlandi. 

O‘zbekiston musulmonlari idorasi
Qashqadaryo viloyati vakilligi
Matbuot xizmati